ບົດຄວາມ: ພາສາລາວ ແລະບັນຫາການສະແດງຜົນເທີງເວັບ - ນະຣິນ-ສັກກຣາຊ |
ກັບຄືນໄປເວັບຫນ້າທໍາອິດ | ຫນ້າ1 | ຫນ້າ2 | ຫນ້າ3 | ຫນ້າ5 | ຫນ້າ6 | ຫນ້າ7 | ຫນ້າ8 | |
ຜູ້ຂຽນໄດ້ຕັ້ງຄໍາຖາມຕໍ່ກັບຕົນເອງວ່າ ເປັນໄປໄດ້ບໍ ທີ່ຈະພິມພາສາລາວໃຫ້ອອກທາງຈໍເຫມືອນເຊັ່ນກັບຄອມພິວເຕີທີ່ຕິດຕັ້ງ Windows ໄທ ດ້ວຍການສະຫຼັບສັນຍາລັກແປ້ນພິມທີ່ຢູ່ດ້ານລຸ່ມຂວາຂອງຈໍ? ຄຳຖາມນ ໄດ້ເຮັດໃຫ້ຜູ້ຂຽນກັບຄືນໄປພິຈາລະນາພາສາໄທ ແລະໄດ້ສຳເນົາເອົາໄຟລ໌ທີ່ໃຊ້ຄວບຄຸມແປ້ນພິມໃນການພິມພາສາໄທ (kbdth0.kbd) ມາໃສ່ໃນເຄື່ອງທີ່ຕິດຕັ້ງ Windows ອັງກິດ. ຜູ້ຂຽນຫາວິທີທີ່ຈະຕິດຕັ້ງພາສາໄທເຂົ້າໃນເຄື່ອງ Windows ອັງກິດ. ໂດຍເຂົ້າໄປ Control Panel --> Keyboard --> Language --> Add ແຕ່ກໍ່ຍັງບໍ່ທັນສາມາດທີ່ຈະເອົາພາສາໄທເຂົ້າ. ຜູ້ຂຽນຈຶ່ງໄປແລ່ນ Regedit.exe ໃນ C:\windows ແລະເຂົ້າໄປໃນ HKEY_LOCAL_MACHINE\CurrentControlSet\Control\keyboard layouts\ ແລ້ວໄປ Edit --> New --> Key ແລ້ວໄປປ່ຽນຊື່ໃຫ້ເປັນ 0000041E ຊື່ງເປັນໂຄດປະເທດຂອງໄທ. ຈາກນັ້ນຜູ້ຂຽນ ໄດ້ຄລິກເຂົ້າໄປໃນ 0000041E ແລ້ວໄປ Edit --> String Value ແລະປ່ຽນຊື່ໃຫ້ເປັນ layout file; ຈາກນັ້ນຜູ້ຂຽນ ໄດ້ຄລິກເຂົ້າໄປໃນ layout file ແລະພິມ kbdth0.kbd. ຕໍ່ມາຜູ້ຂຽນໄດ້ໄປ Edit --> New --> String Value ແລະປ່ຽນຊື່ໃຫ້ເປັນ layout text; ຈາກນັ້ນຜູ້ຂຽນ ໄດ້ຄລິກເຂົ້າໄປໃນ layout text ແລະພິມ kedmanee (Thai) (ທັງຫມົດນີ້ໄດ້ມາຈາກການໄປເປີດເບີ່ງໃນເຄື່ອງ Windows ໄທ). ນອກຈາກນີ້, ຜູ້ຂຽນຍັງໄດ້ເຂົ້າໄປໃນ HKEY_LOCAL_MACHINE\Control\Nls\Locale, ຈາກນັ້ນໄປ Edit --> New --> String Value ແລ້ວໄປປ່ຽນຊື່ໃຫ້ເປັນ 0000041E ແລ້ວຄລິກເຂົ້າໄປໃນ 0000041E ແລ້ວພິມ Thai. ເປັນອັນວ່າ ການດັດແປງ Registry ຂອງ Windows ແມ່ນສິ້ນສຸດລົງ ແລະຜູ້ຂຽນໄດ້ອອກຈາກ Regedit.exe (ຄໍາເຕືອນ: ຜູ້ທີ່ຍັງບໍ່ຖະຫນັດທາງດ້ານການດັດແກ້ Registry ຂອງ Windows, ບໍ່ຄວນເຂົ້າໄປແປງ Registry ແບບຊະຊາຍເພາະອາດເຮັດໃຫ້ເຂົ້າ Windows ບໍ່ໄດ້ ແລະອາດຕ້ອງໄດ້ຕັ້ງ Windows ໃຫມ່ - ທົ່ວໆໄປອາດແກ້ໄດ້ດ້ວຍຄໍາສັ່ງ scanreg /restore ຈາກແຜ່ນ Boot). ຕໍ່ມາ, ຜູ້ຂຽນໄດ້ເຂົ້າໄປ Control Panel --> Keyboard --> Language --> Add ແລະໃນເທື່ອນີ້ , ສາມາດເພີ່ມແປ້ນພິມພາສາໄທເຂົ້າຕື່ມນອກເຫນືອຈາກແປ້ນພິມອັງກິດທີ່ມີຢູ່ກ່ອນແລ້ວ ( ແປ້ນພິມໃນທີ່ນີ້ ຫມາຍເຖີງສັນຍາລັກທີ່ມີຕົວອັກສອນ En ແລະ Th ທີ່ປາກົດຢູ່ແຈລຸ່ມຂວາຂອງຈໍ). ຜູ້ຂຽນໄດ້ລອງໃຊ້ແປ້ນພິມໄທເພື່ອພິມອັກສອນໄທ ທີ່ມີໃນຟອນ Narin.ttf ແລະເຫັນວ່າໃຊ້ໄດ້ດີເຫມືອນກັບຢູ່ໃນ Windows ໄທ ແລະບໍ່ມີບັນຫາໃດໆ ແມ່ນແຕ່ໃນ Internet Explorer 5.5. ຄວາມຄຶດຕໍ່ມາຂອງຜູ້ຂຽນຄື: ນໍາເອົາແປ້ນພິມພາສາລາວເຂົ້າໃນ Windows ອັງກິດເຫມືອນດັ່ງທີ່ໄດ້ເອົາແປ້ນພິມໄທເຂົ້າກ່ອນຫນ້ານີ້.
ດາວໂຫຼດທັງຫມົດຂອງບົດຄວາມນີ້ ໄປຕອນຕົ້ນຂອງຫນ້າ ກັບຄືນໄປເວັບຫນ້າທໍາອິດ ໄປຫນ້າ 1 2 3 4 5