|
ກັບຄືນໄປເວັບຫນ້າທໍາອິດ | ບັນນາທິການຖະແຫຼງ1 | ບັນນາທິການຖະແຫຼງ2 | |
ບັນນາທິການຖະແຫຼງ3
ສະບາຍດີທຸກໆທ່ານ.
ຕັ້ງແຕ່ອອກບັນນາທິການຖະແຫຼງຄັ້ງກ່ອນ ຈົນຮອດປັດຈຸບັນ ພໍດີເປັນ 4 ເດືອນ. ສາເຫດທີ່ເກີດຄວາມບໍ່ຕໍ່ເນື່ອງດັ່ງກ່າວ ຍ້ອນມີຄວາມຕິດຂັດເລື່ອງສ່ວນຕົວ ແລະມີບັນຫາກັບຜູ້ໃຫ້ບໍລິການເນື້ອທີ່ເວັບຟຣີ. ຮອດປັດຈຸບັນນີ້, ກໍ່ຍັງແກ້ບັນຫາບໍ່ທັນຕົກ: ອາດຕ້ອງໄດ້ຊອກຜູ້ໃຫ້ເຊົ່າເນື້ອທີ່ເວັບລາຍອື່ນ ແລະຕ້ອງເສຍຄ່າເຊົ່າ. ຢ່າງໃດກໍ່ຕາມ, ເພື່ອບໍ່ໃຫ້ເກີດຄວາມຊະງັກງັນ ໃນການເຜີຍແຜ່ Narin Script, ຊຶ່ງຈະອຳນວຍຄວາມສະດວກໃຫ້ຄົນໃຊ້ຄອມພິວເຕີທີ່ເປັນຄົນລາວ, ສາມາດຂຽນເວັບໄຊເປັນພາສາລາວ, ສົ່ງອີເມໃນ Yahoo ແລະ Hotmail ໃຫ້ເປັນພາສາລາວ, ຂ້າພະເຈົ້າຈຶ່ງ ສືບຕໍ່ການດຳເນີນງານຂອງເວັບໄຊຕົວນີ້ ໂດຍການອັດເວັບລົງໃສ່ໃນແຜ່ນ CD ໃຫ້ຜູ້ທີ່ສົນໃຈ - ຊາມຊາການຈອງເນື້ອທີ່ເຊົ່າເວັບລາຍໃຫມ່, ສຳເລັດເມື່ອໃດ ຈຶ່ງຈະແຈ້ງຂ່າວໃຫ້ຮູ້ໃນພາຍຫຼັງ.
ສຳລັບ Narin Sakkraj Website ສະບັບ CD ນີ້, ຂ້າພະເຈົ້າ ມີຂ່າວດີສຳລັບຜູ້ທີ່ຕ້ອງການຕິດຕັ້ງ Narin Script ໃສ່ເຄື່ອງທີ່ຕິດຕັ້ງ Windows XP (ສຳລັບຜູ້ທີ່ໃຊ້ Windows 2000 - ຂັ້ນຕອນຈະມີຫຼັກການຄ້າຍຄືກັນ ແຕ່ບາດກ້າວຕ່າງໆຈະບໍ່ຄືດັ່ງທີ່ສະເຫນີຢູ່ຂ້າງລຸ່ມ: ໃຫ້ເຂົ້າໃຈວ່າຈຸດປະສົງທີ່ນຳສະເຫນີຢູ່ລຸ່ມ ແມ່ນພຽງແຕ່ຕ້ອງການເອົາແປ້ນພິມ United States - International ເຂົ້າມາເພີ່ມ ນອກເຫນືອຈາກແປ້ນພິມ United States ທີ່ມີຢູ່ກ່ອນຫນ້ານີ້; ແປ້ນພິມດັ່ງກ່າວ ຈະບໍ່ພິມອອກເປັນພາສາລາແຕງ ແຕ່ຈະເປັນພາສາລາວ ຍ້ອນມີການດັດແປງ Registry ກ່ອນຫນ້ານີ້). ຂັ້ນຕອນໃນການຕິດຕັ້ງຄືດັ່ງນີ້:
ໃຫ້ດາວໂຫຼດ narinxp.zip ໄປໄວ້ໃນເຄື່ອງຂອງທ່ານ; ຈາກນັ້ນ, ໃຫ້ຄາຍໄຟລ໌ ດັ່ງກ່າວອອກ (ໂດຍໃຊ້ Winzip ຫຼືໂປຣແກຣມຄ້າຍຄຽງ) ຊຶ່ງຈະໄດ້ kbdlao.dll ແລະ kbdlao.reg.
ໃຫ້ສຳເນົາ kbdlao.dll ໄປໄວ້ໃນ C:\WINDOWS\system32
ໃຫ້ຄລິກໄຟລ໌ kbdlao.reg (ໃນ XP, ຈະເຫັນເປັນພຽງ kbdlao) 2 ຄັ້ງໄວໆ; ຖ້າມີຈໍນ້ອຍໆປາກົດຂື້ນມາ, ໃຫ້ກົດ OK.
ໃຫ້ໄປ Start --> Control Panel --> Regional and Language Options --> Languages --> Details.. --> Add.. --> ໃຫ້ຄລິກເຄື່ອງຫມາຍຖືກຢູ່ຫນ້າ Keyboard layout/IME ແລ້ວກົດຫົວລູກສອນຊີ້ລົງລຸ່ມ ເພື່ອເລື່ອນລົງໄປເລືອກເອົາ United States-International ແລ້ວກົດ OK.
ກົດປຸ່ມ Key Settings... --> Change Key Sequence.. --> ຖ້າມີເຄື່ອງຫມາຍຖືກຢູ່ Switch input languages ໃຫ້ລົບລ້າງມັນອອກ, ຄລິກໃສ່ Switch keyboard layouts ໃຫ້ມີເຄື່ອງຫມາຍຖືກຢູ່ດ້ານຫນ້າ ແລະຄລິກໃສ່ Left ALT ທາງລຸ່ມ (ດ້ານດຽວກັນ) ໃຫ້ມີເຄື່ອງຫມາຍຖືກຢູ່ດ້ານຫນ້າ ແລ້ວກົດ Ok.
ໃຫ້ Restart ເຄື່ອງໃຫມ່.
ການກົດ Alt+Shift ເບື້ອງຊ້າຍ ຈະທຳການສະຫຼັບລະຫວ່າງພາສາລາວ ແລະລາແຕງ. ຖ້າເຮົາກົດແປ້ນພິມ ເພື່ອພິມພາສາລາວ ແຕ່ຕົວອັກສອນລາວທີ່ປາກົດຂື້ນຜັດເປັນຟອນຂອງ Arial Unicode MS, ໃຫ້ uninstall ຟອນດັ່ງກ່າວອອກກ່ອນ ແລ້ວຈຶ່ງຕັ້ງເຂົ້າຄືນໃຫມ່ (XP ຈະໃຫ້ບູລິມະສິດແກ່ຟອນທີ່ຕັ້ງເຂົ້າກ່ອນ: ທັງ Narin.ttf ແລະ Arial Unicode MS ລ້ວນແຕ່ເປັນຟອນທີ່ມີອັກສອນລາວຢູນີໂຄດ - ຟອນໃດຕັ້ງເຂົ້າກ່ອນ, XP ຈະເອີ້ນໃຊ້ຟອນນັ້ນໂດຍອັດຕະໂນມັດ).
ສຳລັບການນຳໃຊ້ Narin Script ໃນການສົ່ງ/ຮັບອີເມ ບໍ່ວ່າຈະເປັນ Windows98, Me, 2000 ແລະ XP; ໃນ Yahoo ຈະບໍ່ມີບັນຫາໃດໆ; ສ່ວນໃນ Hotmail, ການຮັບເມທີ່ຂຽນມາເປັນພາສາລາວໂດຍໃຊ້ Narin Script ຈະບໍ່ເຫັນເປັນພາສາລາວ ແຕ່ຈະເຫັນໂຄດຕົວເລກແທນ. ຢາກໃຫ້ Hotmail ສະແດງໃຫ້ເຫັນເປັນພາສາລາວ, ຕ້ອງໄດ້ເຂົ້າໄປໃນ Options --> Mail Display Settings --> ຢູ່ໃນຫົວຂໍ້ Message Headers, ໃຫ້ຄລິກເລືອກ Advanced ແລ້ວຄລິກ OK (ການປັບນີ້ ຈະກະທຳພຽງແຕ່ຄັ້ງດຽວ). ໃນ Inbox, ເມື່ອເຮົາຄລິກເຂົ້າໄປເປີດເບີ່ງອີເມທີ່ຂຽນມາເປັນພາສາລາວໂດຍໃຊ້ Narin Script, ເຮົາຈະຍັງເຫັນອີເມເປັນໂຄດຕົວເລກຢູ່; ແຕ່ຢູ່ດ້ານເທີງຂອງອີເມ ຈະມີ Link ທີ່ມີຊື່ວ່າ View E-mail Message Source, ເມື່ອເຮົາຄລິກໃສ່ມັນ, ມັນຈະເປີດປ່ອງຢ້້ຽມໃຫມ່ ຊຶ່ງເຮົາຈະເຫັນ ອີເມທີ່ຂຽນມາເປັນພາສາລາວນັ້ນ ສະແດງຂໍ້ຄວາມເປັນພາສາລາວ.
ຫວັງຢ່າງຍິ່ງວ່າ ຄົງເປັນປະໂຫຍດແກ່ຜູ້ທີ່ຕ້ອງການສົ່ງ/ຮັບເມເປັນພາສາລາວ.
ພົບກັນໃຫມ່ໃນໂອກາດຫນ້າ.
ນະຣິນ
22/03/2002