ໃຫ້ໃຊ້ໜູຄລິກໃສ່ຂໍ້ຄວາມ Sign Up Now
ທາງດ້ານຊ້າຍມື
(ຂໍເມຟຣີ); ລໍຖ້າຊົ່ວຂະນະໜຶ່ງ,
ເຮົາຈະໄດ້ໜ້າຈໍໃໝ່ຄືດັ່ງລຸ່ມນີ້:
ບາດນີ້
ມາຮອດຂັ້ນຕອນທີ່ພວກເຮົາຈະຕ້ອງໄດ້ປ້ອນຂໍ້ມູນຕ່າງ;
ໃຫ້ດໍາເນີນການຕາມທີ່ສະເໜີຢູ່ຂ້າງລຸ່ມນີ້:
- ຢູ່ປ່ອງ Yahoo ID:,
ໃຫ້ພິມຊື່ອີເມ ທີ່ເຮົາຕ້ອງການຢາກໄດ້ (ໃຫ້ພິມຕົວນ້ອຍ -
ຕ້ອງຂື້ນຕົ້ນດ້ວຍຕົວອັກສອນ, ອາດມີຕົວເລກນໍາກໍ່ໄດ້,
ຫ້າມຍະຫວ່າງ
ຫຼືໃຊ້ສັນຍາລັກ +, -, *, /, @, $, #, ^, %, |, \ ແຕ່ສາມາດໃຊ້ _
ໄດ້).
ຕົວຢ່າງ
:
ເຮົາອາດຕັ້ງຊື່ອີເມຂອງເຮົາວ່າ lololele72 (ໝາຍຄວາມວ່າ ID
ຫຼືຊື່ອີເມ ແມ່ນ
lololele72, Email Address ຫຼືທີ່ຢູ່ອີເມ ຈະແມ່ນ
lololele72@yahoo.com; @
ອ່ານວ່າ at - ແອັດ). ໃຫ້ເຂົ້າໃຈວ່າ ມີຜູ້ໃຊ້ອີເມຂອງ Yahoo
ຫຼາຍສິບລ້ານຄົນ.
ດັ່ງນັ້ນ, ການຕັ້ງຊື່ອີເມ,
ຕ້ອງຢ່າໃຫ້ຊໍ້າກັບຊື່ອີເມຂອງຄົນອື່ນທີ່ໃຊ້ອີເມຂອງ Yahoo
ກ່ອນໜ້າເຮົາ -
ໝາຍຄວາມວ່າ ຊື່ອີເມສັ້ນໆ-ງ່າຍໆ-ດັງໆ
ຄົນອື່ນໆເອົາໄປໃຊ້ກ່ອນເຮົາຮຽບຮ້ອຍແລ້ວ! ຖ້າບໍ່ຢາກເສຍເວລາ
ໃນການທີ່ຈະຕ້ອງຕັ້ງຊື່ອີເມຄືນໃໝ່
(ເນື່ອງຈາກຊໍ້າກັບຊື່ອີເມຂອງຄົນອື່ນ)
ໃຫ້ຕື່ມຕົວເລກໃສ່ຕອນທ້າຍຂອງຊື່ອີເມຈັກ 2-4 ໂຕ.
ຫຼືອີກວິທີໜຶ່ງ,
ໃຫ້ຕັ້ງຊື່ອີເມເປັນ ຊື່ນາມສະກຸນຂອງເຮົາ
(ບໍ່ມີຍະຫວ່າງຂັ້ນລະຫວ່າງຊື່
ແລະນາມສະກຸນ; ຖ້າຢາກຂັ້ນ, ໃຫ້ໃຊ້ _ ເປັນຕົວຂັ້ນ, ເຊັ່ນ
narinsakkraj ຫຼື
narin_sakkraj); ວິທີນີ້, ຮັບຮອງວ່າ
ບໍ່ມີໃຜຄຶດຕັ້ງຊື່ອີເມຊື່ນີ້
ກ່ອນໜ້າເຮົາແນ່ນອນ.
- ຢູ່ປ່ອງ Password:,
ໃຫ້ຕັ້ງລະຫັດລັບໃນການທີ່ຈະເຂົ້າໃຊ້ອີເມຂອງເຮົາ.
ລະຫັດລັບ, ອາດເປັນຕົວເລກ
ຫຼືຕົວໜັງສືກໍ່ໄດ້ ແຕ່ຕ້ອງມີ 6 ໂຕເປັນຢ່າງຕໍ່າ.
ບໍ່ຄວນຕັ້ງລະຫັດລັບໄປທົ່ວທີບ
ເພາະຈະເຮັດໃຫ້ຕົນເອງລືມລະຫັດຂອງຕົນ
ແລະຈະບໍ່ສາມາດເຂົ້າໃຊ້ອີເມຂອງຕົນເອງໄດ້.
ມີຫຼາຍຄົນຕັ້ງລະຫັດລັດເປັນຕົວໜັງສື ແລະຕົວເລກສະຫຼັບກັນ
ຍາວເປັນສິບກ່ວາໂຕ:
ຜູ້ກ່ຽວເອງພິມລະຫັດລັບຂອງຕົນ 5
ຄັ້ງກໍ່ຍັງເຂົ້າໃຊ້ເມຂອງຕົນບໍ່ໄດ້!
ດັ່ງນັ້ນ, ການຕັ້ງລະຫັດລັບ, ຄວນຕັ້ງເປັນຕົວເລກພຽງ 6
ຕົວກໍ່ພໍແລ້ວ;
ຖ້າຢ້ານລືມ, ໃຫ້ຕັ້ງລະຫັດລັບຄືດັ່ງນີ້: 2 ຕົວເລກທໍາອິດ,
ໃຫ້ເປັນວັນເກີດ, 2
ຕົວເລກຕໍ່ມາ, ເອົາເດືອນເກີດໃສ່ ແລະ 2 ຕົວເລກສຸດທ້າຍ,
ໃຫ້ໃສ່ປີເກີດ.
ຕົວຢ່າງ, ເກີດວັນທີ 4/5/1982 ອາດໃສ່ລະຫັດລັບເປັນ 040582.
- ຢູ່ປ່ອງ Re-type Password:,
ໃຫ້ພິມລະຫັດລັບທີ່ຕັ້ງຢູ່ຂ້າງເທີງຄືນໃໝ່ອີກເທື່ອໜຶ່ງ.
ລະຫັດລັບທີ່ພິມເຂົ້າຢູ່ປ່ອງ Password ແລະປ່ອງ Re-type Password
ຕ້ອງແມ່ນອັນດຽວກັນ ແລະຄືກັນ!
- ຢູ່ປ່ອງ Security Question:,
ຈະມີຂໍ້ຄວາມ (Select a Question to Answer),
ໃຫ້ໃຊ້ໜູຄລິກໃສ່ຫົວລູກສອນຊີ້ລົງລຸ່ມ
ເພື່ອເລືອກເອົາຄໍາຖາມເພື່ອຄວາມປອດໄພ
ຊຶ່ງຈະມີການຖາມໃນກໍລະນີທີ່ເຮົາມີການລືມລະຫັດລັບ/ຊື່ອີ
ເມ.
ໃຫ້ເລືອກເອົາຄໍາຖາມໃດໜຶ່ງ ແລະຕ້ອງໄດ້ຈື່ຄໍາຖາມນັ້ນໆໄວ້ -
ກໍລະນີມີບັນຫາ,
ໃຫ້ສາມາດບອກໄດ້ວ່າ
ຄໍາຖາມເພື່ອຄວາມປອດໄພໃນການຂໍອີເມຂອງເຮົາ ແມ່ນຄໍາຖາມໃດ.
- ຢູ່ປ່ອງ Your Answer:,
ໃຫ້ພິມຄໍາຕອບຂອງຄໍາຖາມເພື່ອຄວາມປອດໄພ ທີ່ເປັນຄໍາໆດຽວ
ແລະມິຄວາມຍາວບໍ່ຫຼຸດ 5
ຕົວອັກສອນ. ຕົວຢ່າງເຊັ່ນ,
ຖ້າເຮົາເລືອກຄໍາຖາມເພື່ອຄວາມປອດໄພແມ່ນ What is
your pet's name? ຊຶ່ງມີຄວາມໝາຍວ່າ
ສັດລ້ຽງຂອງທ່ານ ມີຊື່ວ່າຫຍັງ? ຄໍາຕອບທີ່ໃຊ້ໄດ້ ອາດຈະແມ່ນ
kikiki, toubi,...
ຄໍາຕອບທີ່ໃຊ້ບໍ່ໄດ້ຄື dog, cat (ຄໍາຖາມບໍ່ໄດ້ຖາມວ່າ
ສັດລ້ຽງຂອງທ່ານ ແມ່ນສັດປະເພດໃດ?!), kiki (ມີຕົວອັກສອນພຽງແຕ່
4 ຕົວ).
- ຢູ່ປ່ອງ Birthday:,
ຊຶ່ງປະກອບມີ 3 ປ່ອງນ້ອຍ; ຢູ່ປ່ອງທໍາອິດ,
ໃຫ້ໃຊ້ໜູຄລິກໃສ່ຫົວລູກສອນສີດໍາປາຍຊີ້ລົງລຸ່ມ
ເພື່ອເພື່ອເອົາເດືອນເກີດຂອງເຮົາ; ຢູ່ປ່ອງທີສອງ,
ໃຫ້ພິມວັນທີເກີດຂອງເຮົາໃສ່
2 ຕົວເລກ (ຕົວຢ່າງ, ຖ້າເກີດວັນທີ 4, ໃຫ້ພິມ 04);
ຢູ່ປ່ອງສຸດທ້າຍ,
ໃຫ້ພິມປີເກິດຂອງເຮົາໃສ່ 4 ຕົວເລກ. ຂໍ້ມູນວັນເດືອນປີເກີດນີ້,
ຄວນເປັນຂໍ້ມູນແທ້ຈິງ ເພາະເຮົາຈະບໍ່ລືມ:
ກໍລະນີມີບັນຫາກ່ຽວກັບການລືມຊື່ອີເມ/ລະຫັດລັບ,
ມັນຈະມີການຖາມວ່າ
ເຮົາເກີດວັນທີເດືອນປີໃດ? ຖ້າເຮົາຕອບບໍ່ໄດ້,
ກໍ່ຈະບໍ່ມີສິດເຂົ້າໃຊ້ອີເມນັ້ນໆ.
- ຢູ່ປ່ອງ Current Email
(Optional):, ໃຫ້ຂ້າມໄປເລີຍ -
ຢ່າພິມຂໍ້ຄວາມໃດໆໃສ່ເປັນອັນຂາດ.
- ຢູ່ປ່ອງ First Name:,
ໃຫ້ພິມຊື່ຂອງເຮົາໃສ່ (ຂື້ນຕົ້ນດ້ວຍອັກສອນໂຕໃຫຍ່),
ຫ້າມຕື່ມໂຕເລກໃສ່ເປັນອັນຂາດ; ຢູ່ປ່ອງ Last
Name:, ໃຫ້ພິມນາມສະກຸນຂອງເຮົາໃສ່
(ຂື້ນຕົ້ນອັກສອນດ້ວຍໂຕໃຫຍ່
ຫຼືພິມເປັນໂຕໃຫຍ່ໝົດກໍ່ໄດ້). ຊື່ ແລະນາມສະກຸນ,
ຄວນເປັນຊື່ຈິງ
ແລະນາມສະກຸນຈິງ:
ຖ້າເຮົາສົ່ງອີເມໄປຫາໝູ່ຄູ່-ຍາດຕິພີ່ນ້ອງ,
ເຂົາເຈົ້າຈະຮູ້ວ່າ ແມ່ນໃຜສົ່ງອີເມມາຫາ -
ຖ້າເຂົາເຈົ້າບໍ່ຮູ້ຈັກ
ຊື່ປອມແລະນາມສະກຸນປອມ ທີ່ເຮົາອຸປະໂຫຼກຂື້ນ,
ໂອກາດທີ່ອີເມຂອງເຮົາຈະຖືກລຶບ
ໂດຍບໍ່ໄດ້ຖືກເປີດຂື້ນມາອ່ານຈະມີສູງ -
ບໍ່ມີໃຜຈະສົນໃຈອ່ານອີເມຂອງຄົນແປກໜ້າທີ່ສົ່ງມາຫາ!
- ຢູ່ປ່ອງ Language & Content:,
ຈະມີຂໍ້ຄວາມ English - United States. ໃຫ້ຂ້າມໄປເລີຍ -
ຢ່າໄປປ່ຽນເປັນອັນອື່ນ
ເພາະຈະມີຜົນຕໍ່ກັບການປ້ອນຄ່າຂອງຂໍ້ມູນຕໍ່ໆໄປ.
- ຢູ່ປ່ອງ Zip/Postal Code:,
ໃຫ້ພິມ 12345 ໃສ່ (ລະຫັດໄປສະນີ - ບໍ່ແມ່ນລະຫັດໂທລະສັບ).
ຢູ່ປ່ອງ Gender:,
ໃຫ້ໃຊ້ໜູຄລິກໃສ່ຫົວລູກສອນສີດໍາປາຍຊີ້ລົງລຸ່ມ
ເພື່ອເລືອກເອົາເພດຂອງເຮົາ
(Male: ເພດຊາຍ; Female: ເພດຍິງ; ---: ກະເທີຍ?!).
- ຢູ່ປ່ອງ Industry:,
ໃຫ້ໃຊ້ໜູຄລິກໃສ່ຫົວລູກສອນສີດໍາປາຍຊິ້ລົງລຸ່ມ
ແລ້ວໃຫ້ໄປເລືອກເອົາ Other (ຢູ່ລຸ່ມສຸດ).
- ຢູ່ປ່ອງ Title:,
ໃຫ້ໃຊ້ໜູຄລິກໃສ່ຫົວລູກສອນສີດໍາປາຍຊິ້ລົງລຸ່ມ
ແລ້ວໃຫ້ໄປເລືອກເອົາ Other (ຢູ່ປະມານທາງກາງ).
ເມື່ອເຮົາໄດ້ເລືອກເອົາ Other,
ປ່ອງ Specialization: ຈະຫາຍໄປ.
- ຕໍ່ມາ, ໃຫ້ສັງເກດປ່ອງນ້ອຍໆສີຂາວຕ່າງໆ:
ຖ້າມີເຄື່ອງໝາຍຖືກສີດໍາໃນປ່ອງເຫຼົ່ານີ້, ໃຫ້ໃຊ້ໜູຄລິກໃສ່
ເພື່ອລົບລ້າງເຄື່ອງໝາຍຖືກອອກໃຫ້ໝົດ. ຈາກນັ້ນ,
ໃຫ້ເລື່ອນໜ້າຈໍລົງມາລຸ່ມສຸດ:
ຢຸ່ປ່ອງ Enter the word as it is
shown
in the box below:, ໃຫ້ພິມຂໍ້ຄວາມທີ່ເຮົາເຫັນຢູ່ຂ້າງລຸ່ມ.
ຂໍ້ຄວາມນີ້, ຈະແຕກຕ່າງກັນໄປສໍາລັບແຕ່ລະຄົນ:
ໃນກໍລະນີຂອງຮູບຂ້າງເທີງນີ້,
ຂໍ້ຄວາມດັ່ງກ່າວແມ່ນ lawyer (ເຫັນເປັນຕົວນ້ອຍ,
ໃຫ້ພິມເປັນຕົວນ້ອຍ;
ເຫັນເປັນຕົວໃຫຍ່, ໃຫ້ພິມເປັນຕົວໃຫຍ່).
- ກ່ອນທີ່ຈະໃຊ້ໜູກົດປຸ່ມສີເທົາຍາວໆ ຊຶ່ງມີຂໍ້ຄວາມວ່າ
Submit This
Form, ໃຫ້ເລື່ອນໜ້າຈໍຂື້ນໄປດ້ານເທີງ
ເພື່ອສໍາຫຼວດຕື່ມອີກເທື່ອໜຶ່ງວ່າ
ການຕື່ມຂໍ້ຄວາມຕ່າງໆທີ່ຜ່ານມານັ້ນ ບໍ່ມີຫຍັງຜິດພາດບໍ່?
ຖ້າມີ,
ໃຫ້ແກ້ໄຂໃຫ້ຖືກຕ້ອງ ແລ້ວຈຶ່ງເລື່ອນໜ້າຈໍລົງມາ
ເພື່ອໃຊ້ໜູຄລິກປຸ່ມສີເທົາ
Submit This Form ນີ້.
ຖ້າທຸກສິ່ງທຸກຢ່າງທີ່ປ້ອນເຂົ້າບໍ່ມີບັນຫາໃດໆ,
ເມື່ອລໍຖ້າຊົ່ວຂະນະໜຶ່ງ, ເຮົາຈະໄດ້ໜ້າຈໍໃໝ່ຄືລຸ່ມນີ້:
(ກໍລະນີກົງກັນຂ້າມ,
ຈະມີໜ້າຈໍເພື່ອໃຫ້ເຮົາປ່ຽນແປງຂໍ້ຄວາມ -
ປ່ອງທີ່ຕ້ອງການໃຫ້ປ່ຽນ,
ຈະມີຂໍ້ຄວາມເປັນສີແດງຢູ່ດ້ານໜ້າປ່ອງນັ້ນໆ.
ເມື່ອປ່ຽນແປງທຸກຢ່າງຮຽບຮ້ອຍ,
ໃຫ້ໃຊ້ໜູກົດປຸ່ມ Submit This Form ດັ່ງກ່າວອີກຄັ້ງໜຶ່ງ).
ຢູ່ປ່ອງສີຂາວນ້ອຍໆໜ້າຂໍ້ຄວາມ Install Yahoo!
Companion
toolbar, ເຮົາຈະເຫັນວ່າ ມີເຄື່ອງໝາຍຖືກຢູ່ໃນປ່ອງດັ່ງກ່າວ.
ໃຫ້ໃຊ້ໜຸຄລິກໃສ່ປ່ອງດັ່ງກ່າວ ເພື່ອລົບລ້າງເຄື່ອງໝາຍຖືກອອກ;
ຈາກນັ້ນ,
ໃຫ້ໃຊ້ໜູຄລິກໃສ່ປຸ່ມສີເທົາຍາວໆ ທີ່ມີຂໍ້ຄວາມ Continue to
Yahoo! Mail.
ລໍຖ້າຊົ່ວຂະນະໜື່ງ, ເຮົາຈະໄດ້ໜ້າຈໍໃໝ່ຄືດັ່ງລຸ່ມນີ້:
ໃຫ້ຊອກຫາຂໍ້ຄວາມສີຟ້າ ແລະມີຂີດກ້ອງ
Inbox (1)
(ມີ 2 ບ່ອນຢູ່ໃນໜ້າຈໍຂ້າງເທີງ) ແລ້ວໃຊ້ໜູຄລີກໃສ່
ຊຶ່ງຈະເປັນເໜືອນການເປີດເບີ່ງຕູ້ອີເມ
ເພື່ອເບີ່ງວ່າມີໃຜສົ່ງອີເມມາຫາເຮົາ.
ເຮົາຈະໄດ້ໜ້າຈໍໃໝ່ຄືດັ່ງລຸ່ມນີ້:
ເຮົາຈະເຫັນວ່າ ໃນຕູ້ອີເມ (Inbox), ມີພຽງ 1
ອີເມເທົ່ານັ້ນ. ອີເມນີ້ ຜູ້ສົ່ງມາ (Sender) ແມ່ນ Yahoo!;
ຫົວຂໍ້ຂອງອີເມ
(Subject) ແມ່ນ Welcome to Yahoo!; ວັນທີສົ່ງມາ (Date) ແມ່ນ Sun 02/15
(ວັນອາທິດ, ເດືອນ 2, ວັນທີ 15 - ຕາມເວລາຂອງ USA),
ແລະຂະໜາດຂອງອີເມ (Size)
ແມ່ນ 495b (b=byte; 1 byte = ປະມານ 1 ຕົວອັກສອນ).
ໃຫ້ໃຊ້ໜູຄລິກໃສ່ຂໍ້ຄວາມ
Welcome to Yahoo! ເພື່ອທໍາການເປີດອ່ານອີເມນີ້
(ທຸກໆເມທີ່ສົ່ງມາຈາກ Yahoo!, ເຮົາຕ້ອງເປີດຂື້ນມາເບີ່ງ;
ເລື່ອງອ່ານຫຼືບໍ່ອ່ານ ແມ່ນເປັນເລື່ອງຂອງເຮົາ: Yahoo!
ບໍ່ສາມາດຮູ້ນໍາ
ເພາະຕາຂອງ Yahoo! ບໍ່ໄດ້ຢູ່ນໍາເຮົາ; ແຕ່ Yahoo!
ຈະຮູ້ວ່າເຮົາເປີດເບີ່ງອີເມທີ່ Yahoo!
ສົ່ງມາໃຫ້ເຮົາຫຼືບໍ່ ເພາະອີເມທີ່ເຮົາໃຊ້ນີ້ ເປັນອີເມຂອງ Yahoo!).
ເຮົາຈະໄດ້ໜ້າຈໍໃໝ່ຄືລຸ່ມນີ້:
ໃຫ້ລາກແຖບເລື່ອນທີ່ຢູ່ດ້ານຂວາມື
ເພື່ອເລື່ອນໜ້າຈໍລົງມາຈົນຮອດລຸ່ມສຸດ (ເຮັດຄືວ່າ
ເຮົາອ່ານຂໍ້ຄວາມທີ່
Yahoo!
ສົ່ງມາຫາເຮົາ). ຈາກນັ້ນ, ໃຫ້ເລື່ອນໜ້າຈໍກັບຄືນໄປເທີງສຸດ.
ຊອກຫາຂໍ້ຄວາມ [Sign Out]
(ເຊັນອອກ) ແລ້ວໃຊ້ໜູຄລິກໃສ່ ເພື່ອເຊົາໃຊ້ອີເມຂອງ Yahoo!
ຄໍາ
ເຕືອນ: ຮອດຈຸດນີ້,
ການເຊົາໃຊ້ອີເມຂອງ Yahoo!, ຫ້າມປິດ ໜ້າຈໍຂອງ Internet
Explorer ເປັນອັນຂາດ: ຕ້ອງກົດໃສ່ຂໍ້ຄວາມ [Sign Out] - ບໍ່ດັ່ງນັ້ນ,
ຖ້າທ່ານກັບເຂົ້າມາໃຊ້ອີເມຂອງ Yahoo! ຄືນອີກ, ເມື່ອປ້ອນ
ຊື່ອີເມ (ID)
ແລະລະຫັດລັບ (Password), Yahoo! ຈະທ້ວງວ່າ
ລະຫັດລັບບໍ່ຖືກຕ້ອງ! ຫຼັງຈາກ
ໃຊ້ໜູກົດໃສ່ຂໍ້ຄວາມ [Sign Out], ເຮົາຈະໄດ້ໜ້າຈໍໃໝ່ຄືລຸ່ມນີ້:
ໃຫ້ທໍາການປິດໂປຣແກຣມທ່ອງເວັບ (Internet
Explorer)
ດ້ວຍການໃຊ້ໜູຄລິກໃສ່ x ຢູ່ດ້ານເທີງຂວາສຸດຂອງຈໍ. ຈາກນັ້ນ
ໃຫ້ແລ່ນ
ໂປຣແກຣມທ່ອງເວັບຄືນໃໝ່. ໃຫ້ເຂົ້າໄປເວັບໄຊອີເມຂອງ
Yahoo!;
ຢູ່ປ່ອງ Yahoo! ID ໃຫ້ພິມ
ຊື່ອີເມຂອງເຮົາໃສ່;
ຢູ່ປ່ອງ Password,
ໃຫ້ພິມລະຫັດລັບຂອງເຮົາໃສ່ ແລ້ວໃຊ້ໜູຄລິກໃສ່ປຸ່ມສີເທົາ Sign
In.
ຖ້າເຮົາສາມາດເຂົ້າໄປຮອດຕູ້ອີເມ (Inbox) ຂອງເຮົາໄດ້,
ກໍ່ສະແດງວ່າ
ອີເມທີ່ເຮົາຂໍນໍາ Yahoo! ແມ່ນສາມາດໃຊ້ການໄດ້.
ຖ້າບໍ່ເປັນເປັນຕາມນີ້,
ການຂໍອີເມທີ່ຜ່ານມາແມ່ນລົ້ມເຫຼວ.
ເມື່ອທົດສອບວ່າໄດ້ອີເມຂອງ Yahoo!
ມາແລ້ວ, ເຮົາຄວນໝັ່ນມາໃຊ້ອີເມຢ່າງຂີ້ລ້າຍ 1 ເດືອນຕໍ່ຄັ້ງ:
ຖ້າເຮົາບໍ່ມາໃຊ້ເກີນ 1 ເດືອນ, ອີເມຂອງເຮົາ
ອາດຖືກຖອນບໍ່ໃຫ້ໃຊ້ງານໄດ້ຕໍ່ໄປອີກ.
ຫວັງຢ່າງຍິ່ງວ່າ ຄໍາແນະນໍາທັງໝົດນີ້,
ຄົງຊ່ອຍໃຫ້ທ່ານສາມາດຂໍອີເມນໍາ Yahoo! ໄດ້ດ້ວຍຕົວຂອງທ່ານເອງ!
ວຽງຈັນ, 16 ກຸມພາ 2004
ນະຣິນ