ການໃຫ້ບໍລິການອິນເຕີເນັດແກ່ບຸກຄົນທົ່ວໆໄປໃນປະເທດລາວ ແມ່ນເລີ່ມຕົ້ນແຕ່ທ້າຍປີ
1998 ໂດຍມີບໍລິສັດ Globecom Electronics Limited ຫຼື GlobeNet ເປັນຜູ້ໃຫ້ບໍລິການລາຍທໍາອິດ*.
ລູກຄ້າຂອງ GlobeNet ຊື່ງແມ່ນອົງກອນ ແລະຮ້ານອິນເຕີເນັດຈໍານວນໜຶ່ງ ເຊື່ອມຕໍ່ອິນເຕີເນັດ
ດ້ວຍລະບົບໄຮ້ສາຍ ໂດຍໃຊ້ສັນຍານວິທະຍຸເປັນສື່. ເນື່ອງຈາກພື້ນທີ່
ທີ່ສາມາດຮັບສັນຍານໄດ້ ມີຂອບເຂດຈໍາກັດ, ມີພຽງບາງເຂດຂອງກໍາແພງນະຄອນວຽງຈັນເທົ່ານັ້ນ
ຈຶ່ງສາມາດໃຊ້ບໍລິການດັ່ງກ່າວໄດ້. ໃນໄລຍະຕໍ່ມາ, ບໍລິສັດ Lao
Telecommunication ຫຼື Laotel ກໍ່ໄດ້ເຂົ້າມາສູ່ຕະຫຼາດທຸລະກິດຂົງເຂດນີ້
ໂດຍໃຊ້ການເຊື່ອມຕໍ່ອິນເຕີເນັດທາງສາຍໂທລະສັບ ຊື່ງທາງບໍລິສັດເປັນຜູ້ໃຫ້ບໍລິການໂທລະສັບພື້ນຖານລາຍດຽວໃນຂະນະນັ້ນ.
ດັ່ງນັ້ນ, ພື້ນທີ່ ທີ່ສາມາດນໍາໃຊ້ອິນເຕີເນັດ ຈຶ່ງສາມາດຂະຫຍາຍຕົວກ້ວາງອອກ
ແລະບໍ່ໄດ້ຈໍາກັດຢູ່ພຽງແຕ່ບໍລິເວນແຄບໆໃດໜຶ່ງໃນກໍາແພງນະຄອນວຽງຈັນຕໍ່ໄປອີກ.
ເນື່ອງຈາກທຸລະກິດອິນເຕີເນັດ ໃນປະເທດລາວ ເປັນທຸລະກິດໃໝ່ ແລະມີທ່າແຮງສູງ,
ນັກລົງທຶນຫຼາຍໆລາຍ ຈຶ່ງສົນໃຈທີ່ຈະເຂົ້າມາຮ່ວມບຸກເບີກ ແລະຍາດຊິງສ່ວນແບ່ງການຕະຫຼາດໃນທຸລະກິດນີ້.
ບໍລິສັດ Planet Computers ຫຼື Planet ຫຼື Laopdr.com ແລະບໍລິສັດ Lanexang
Internet Services ຫຼື LanexangNet ແມ່ນຜູ້ໃຫ້ບໍລິການອິນເຕີເນັດ 2 ລາຍຕໍ່ໆມາ
ທີ່ໃຊ້ການເຊື່ອມຕໍ່ທັງແບບໄຮ້ສາຍ ແລະໃຊ້ສາຍໂທລະສັບ. ນອກຈາກນີ້,
Planet ຍັງເປັນລາຍທໍາອິດທີ່ລິເລີ່ມໃຫ້ບໍລິການອິນເຕີເນັດແບບໃຊ້ບັດ
ແລະ LanexangNet ເປັນລາຍທໍາອິດທີ່ນໍາເອົາອິນເຕີເນັດລະບົບ VDSL ມາໃຊ້ທາງທຸລະກິດ
(Very-High-Data-Rate Digital Subscriber Line - ໃຊ້ສາຍໂທລະສັບທໍາມະດາເປັນສື່,
ສາມາດສົ່ງສັນຍານໃນອັດຕາສູງສຸດ 52 Mbps ໃນໄລຍະທາງທີ່ບໍ່ເກີນ 1.5 Km;
ລະບົບນີ້, ສໍານັກງານ/ອົງກອນ/ສະຖານທູດບາງແຫ່ງ ອາດໃຊ້ມາກ່ອນໜ້ານີ້).
ລາຍສຸດທ້າຍທີ່ຫາກໍ່ເປີດຕົວຫວ່າງທ້າຍປີ 2003 ນີ້, ກໍ່ຄື ບໍລິສັດ
Entreprise of Telecommunications Lao ຫຼື ETL ທີ່ໃຫ້ບໍລິການແບບບັດ, ແບບເຊື່ອມຕໍ່ດ້ວຍສາຍໂທລະສັບ
ແລະໃນອະນາຄົດຈະໃຫ້ບໍລິການເຊື່ອມຕໍ່ອິນເຕີເນັດດ້ວຍສາຍ Cable ຊື່ງທາງບໍລິສັດອ້າງວ່າ
ມີໂຄງລ່າງເຄືອຂ່າຍສາຍໄຍແກ້ວທີ່່ຄອບຄຸມທົ່ວປະເທດ. ນອກຈາກນີ້, ບໍລິສັດ
ທີ່ໃຫ້ບໍລິການໂທລະພາບແບບ Cable ໃນກໍາແພງນະຄອນວຽງຈັນ ກໍ່ມີແຜນ
ທີ່ຈະໃຫ້ບໍລິການອິນເຕີເນັດໃນອະນາຄົດ ໂດຍໃຊ້ເຄືອຂ່າຍສາຍ Cable ຂອງຕົນເປັນສື່ອີກດ້ວຍ.
ໝາຍເຫດ:
ໃນໜ້າເວັບນີ້, ຂ້າພະເຈົ້າບໍ່ໄດ້ເອີ່ຍເຖີງ STEA (Science, Technology and
Environment Agency - ອົງການ ວິທະຍາສາດ ເຕັກໂນໂລຊີ ແລະສິ່ງແວດລ້ອມ) ຊຶ່ງອາດຖືໄດ້ວ່າ
ເປັນຜູ້ໃຫ້ບໍລິການອິນເຕີເນັດລາຍໜຶ່ງ ແລະເປັນລາຍທໍາອິດຂອງປະເທດລາວ.
ຍ້ອນວ່າ STEA ໃຫ້ບໍລິການສະເພາະອົງກອນຂອງລັດ ແລະບໍ່ແມ່ນບໍລິສັດທຸລະກິດ,
ຂ້າພະເຈົ້າຈຶ່ງບໍ່ໄດ້ຮວມເອົາ STEA ເປັນໜຶ່ງໃນບໍລິສັດຜູ້ໃຫ້ບໍລິການອິນເຕີເນັດສໍາລັບບຸກຄົນທົ່ວໆໄປ.
ຖ້າທ່ານປະສົງຢາກຮູ້ລາຍລະອຽດກ່ຽວກັບອີນເຕີເນັດໃນປະເທດລາວ, ທ່ານສາມາດດາວໂຫຼດເອກະສານ
pdf ຈາກ http://www.itu.int/asean2001/reports/material/LAO%20CS.pdf (ເວັບໄຊຂອງສະຫະພາບໂທລະຄົມສາກົນ,
ເອກະສານເປັນພາສາອັງກິດ).
ການແຂ່ງຂັນໃນຕະຫຼາດທຸລະກິດອິນເຕີເນັດໃນຂະນະນີ້ ນັບມື້ນັບເຂັ້ມຂຸ້ນຂື້ນ.
ຢ່າງໃດກໍ່ຕາມ, ຜູ້ຈອງອິນເຕີເນັດ ຈາກຜູ້ໃຫ້ບໍລິການເຫຼົ່ານີ້, ກໍ່ຍັງບໍ່ໄດ້ຮັບອານິສົງໃດໆ:
ຄ່າຈອງ-ຊົມໃຊ້ອິນເຕີເນັດຍັງແພງເໝືອນເຊັ່ນເຄີຍ; ຄຸນນະພາບຂອງການໃຫ້ບໍລິການ
ກໍ່ບໍ່ໄດ້ດີຂື້ນເມື່ອທຽບກັບໄລຍະທໍາອິດ - ດີບໍ່ດີອາດຂີ້ຮ້າຍລົງຊໍ້າ.
ສິ່ງທີ່ຜູ້ຈອງອິນເຕີເນັດ ມີສິດເລືອກ ກໍ່ມີພຽງແຕ່ ສາມາດເລືອກຜູ້ໃຫ້ບໍລິການອິນເຕີເນັດໄດ້;
ແຕ່ຈະແນ່ໃຈໄດ້ຄືແນວໃດວ່າ ບໍ່ຕົກເປັນໃນກໍລະນີທີ່ "ໜີເສືອ
ໄປພໍ້ແຂ້?!"
ດັ່ງນັ້ນ, ໜ້າເວັບນີ້ ຈຶ່ງມີຈຸດປະສົງ ເພື່ອນໍາສະເໜີຂໍ້ມູນ ກ່ຽວກັບການໃຫ້ບໍລິການອິນເຕີເນັດ
ຂອງຜູ້ໃຫ້ບໍລິການອິນເຕີເນັດຕ່າງໆທີ່ມີ ເພື່ອຊ່ອຍໃຫ້ການຕັດສິນໃຈເລືອກຜູ້ໃຫ້ບໍລິການ,
ປະເພດບໍລິການ ແລະລັກສະນະການເຊື່ອມຕໍ່ ໃຫ້ສົມເຫດສົມຜົນກັບຄວາມຕ້ອງການຊົມໃຊ້ອິນເຕີເນັດ
ຂອງຜູ້ທີ່ຕ້ອງການຈອງອິນເຕີເນັດມາໃຊ້. ຂ້າພະເຈົ້າ,
ໃນຖານະຜູ້ນໍາສະເໜີ ບໍ່ໄດ້ມີຜົນປະໂຫຍດໃດໆ ກັບຜູ້ໃຫ້ບໍລິການອິນເຕີເນັດເຫຼົ່ານີ້.
ດັ່ງນັ້ນ, ການທີ່ຈະຍົກ ຫຼືຍຸບຍອບຜູ້ໃຫ້ບໍລິການລາຍໃດລາຍໜຶ່ງ ຈຶ່ງບໍ່ມີຢູ່ໃນຄວາມຄຶດຂອງຂ້າພະເຈົ້າ.
ຢ່າງໃດກໍ່ຕາມ, ເປັນໄປໄດ້ທີ່ຂໍ້ມູນບາງການທີ່ນໍາສະເໜີ ອາດຄາດເຄື່ອນຈາກຄວາມເປັນຈິງ:
ຖ້າເປັນຄືດັ່ງກ່າວນີ້, ຂ້າພະເຈົ້າຂໍອະໄພໄວ້ລ່ວງໜ້າ ແລະຍິນດີດັດແກ້ໃຫ້ທັນທີ
ຕາມການສົ່ງຂ່າວຂອງພາກສ່ວນທີ່ກ່ຽວຂ້ອງ (ກະລຸນາສົ່ງເມຫາຂ້າພະເຈົ້າໄດ້ທີ່
narinsakkraj@hotmail.com).
ບາງຢ່າງທີ່ຜູ້ທີ່ຈະຈອງອິນເຕີເນັດຄວນຮູ້:
- Bandwidth
(ຂະໜາດຂອງສັນຍານ): ມີຄວາມໝາຍຄ້າຍຄືຄວາມໄວສູງສຸດຂອງສັນຍານອິນເຕີເນັດ
ທີ່ຜູ້ໃຊ້ຈະໄດ້ຮັບ. ຫົວໜ່ວຍແມ່ນ Kb (Kilobites). ຜູ້ໃຫ້ບໍລິການອິນເຕີເນັດ
ຈະສະເໜີໃຫ້ບໍລິການອິນເຕີເນັດດ້ວຍຂະໜາດຂອງສັນຍານ (ຫຼືຄວາມໄວ) 32
Kb, 64 Kb, 128 Kb, 256 Kb,... ຂະໜາດຂອງສັນຍານ ມີຄວາມສໍາພັນໂດຍກົງຄວາມໄວຂອງອິນເຕີເນັດ.
ຕົວຢ່າງເຊັ່ນ ຂະໜາດຂອງສັນຍານ 56 Kb, ຜູ້ໃຊ້ຈະສາມາດດາວໂຫຼດຂໍ້ມູນໄດ້ດ້ວຍຄວາມໄວ
(ຕາມຫຼັກການ) 56 Kb/s ຫຼື 7 KB/s (B = byte = 8 bits). ໃນຫຼາຍໆກໍລະນີ,
ເຮົາຈະເຫັນວ່າ ຄ່າຂອງຂະໜາດຂອງສັນຍານທີ່ຜູ້ໃຫ້ບໍລິການໂຄສະນາ ແມ່ນເປັນຕົວເລກ
2 ຊຸດ ຂັ້ນກັນດ້ວຍເຄື່ອງໝາຍຫານ (/) ເຊັ່ນ: 128/64 ຫຼື 256/128. 128/64 ໝາຍເຖີງ
ຄວາມໄວສຸງສຸດໃນການດາວໂຫຼດແມ່ນ 128 Kb, ແລະຄວາມໄວສູງສຸດໃນການອັບໂຫຼດແມ່ນ
64 Kb. ສ່ວນ 256/128 ກໍ່ມີຄວາມໝາຍຄ້າຍຄືກັນຄື: ດາວໂຫຼດ 256 Kb ແລະອັບໂຫຼດ
128 Kb. ຖ້າເປັນເລກແຕ່ພຽງຊຸດດຽວ ເຊັ່ນ 64, ແມ່ນມີຄວາມໝາຍວ່າ ດາວໂຫຼດ
64 Kb ແລະອັບໂຫຼດ ຈະແມ່ນເຄີ່ງໜຶ່ງຂອງດາວໂຫຼດໂດຍອັດຕະໂນມັດ ຄື 32 Kb.
ໝາຍເຫດ: ດາວໂຫຼດ ໝາຍເຖີງດືງເອົາຂໍ້ມູນຈາກອິນເຕີເນັດ
ມາໄວ້ທີ່ເຄື່ອງຜູ້ໃຊ້ ເພື່ອການເບີ່ງຂໍ້ມູນນັ້ນໆໃນທັນທີ ຫຼືເພື່ອເກັບຮັກສາໄວ້ໃນເຄື່ອງ
ເພື່ອເບີ່ງໃນອະນາຄົດ. ອັບໂຫຼດ ແມ່ນການສົ່ງຂໍ້ມູນຈາກເຄື່ອງຂອງຜູ້ໃຊ້ຂື້ນໄປເທີງອິນເຕີເນັດ.
- ສັນຍານແບບໃຊ້ຜູ້ດຽວ
ຫຼືສັນຍານແບບສາຍເຊົ່າ (Dedecated Line ຫຼື Leased line): ແມ່ນສັນຍານທີ່ມີລູກຄ້າເຈົ້າດຽວໃຊ້,
ບໍ່ໄດ້ມີການແບ່ງໃຫ້ລູກຄ້າຜູ້ອື່ນໆ ຮ່ວມໃຊ້ສັນຍານນໍາ. ຈຸດພິເສດຂອງສັນຍານແບບນີ້ແມ່ນ
ມີລາຄາແພງ (ຂະໜາດຂອງສັນຍານ 64 Kb, ຄ່າເຊົ່າສັນຍານຕໍ່ເດືອນ ແມ່ນ
600-800 US$), ມີສະເຖຍລະພາບສູງ (ບໍ່ຄ່ອຍມີບັນຫາຕິດຂັດ - ຖ້າມີ,
ສ່ວນໃຫຍ່ຈະແມ່ນ ເກີດຈາກການຄຸ້ມຄອງລະບົບຂອງຜູ້ໃຫ້ບໍລິການ)
- ສັນຍານແບບໃຊ້ຮ່ວມກັນກັບລູກຄ້າຜູ້ອື່ນໆ
(Shared Line): ແມ່ນສັນຍານແບບສາຍເຊົ່າ ທີ່ຜູ້ໃຫ້ບໍລິການແບ່ງໃຫ້ລູກຄ້າຫຼາຍຄົນໃຊ້,
ໝາຍຄວາມວ່າມີການໃຊ້ສັນຍານນັ້ນໆຮ່ວມກັນຫຼາຍຄົນ.
ເຖີງວ່າການໃຊ້ສັນຍານແບບ Shared ຈະມີຄ່າໃຊ້ຈ່າຍໜ້ອຍ ເມື່ອທຽບກັບສັນຍານແບບສາຍເຊົ່າ
ແຕ່ຜູ້ທີ່ຄຶດຈະຈອງ, ຄວນຄໍານຶງເຖີງຕັກກະສາດ (ຫຼັກການຄຶດດ້ວຍເຫດ
ແລະຜົນ) ຄືດັ່ງຕໍ່ໄປນີ້:
- 256 Kb Dedicated 2400 $, ປຽບທຽບກັບ 256 Kb Shared, 400 $: ຕ້ອງມີຜູ້ໃຊ້ຮ່ວມກັນຢ່າງຕໍ່າ
2400/400 = 6 ລາຍເປັນຢ່າງຕໍ່າ; ສູງສຸດຈັກລາຍ? ຜູ້ຈອງຄົງບໍ່ສາມາດຮູ້
ນອກຈາກຜູ້ໃຫ້ບໍລິການ!
- ໃນສັນຍານດັ່ງກ່າວ (256 Kb), ຖ້າມີແຕ່ເຮົາຜູ້ດຽວ (ຄອມພິວເຕີໜ່ວຍດຽວ)
ໃຊ້ອິນເຕີເນັດ, ເຮົາຈະໄດ້ຄວາມໄວ 256 Kb, ຖ້າມີ 2 ຄົນໃຊ້ໃນເວລາດຽວກັນ
(ໂດຍສະເພາະດາວໂຫຼດ), ຈະໄດ້ຄວາມໄວ 256/2 = 128 Kb, ຖ້າມີ 10 ຄົນໃຊ້ໃນເວລາດຽວກັນ,
ຈະໄດ້ຄວາມໄວ 256/10 = 25.6 Kb, ...
- ບັນຫາໃນກໍລະນີ "ຜູ້ມືຍາວ ສາວໄດ້ສາວເອົາ" ຫຼື "ຫົວແຫຼມໄດ້ປຽບຫົວປູ້"
ຄົງຈະຫຼີກບໍ່ໄດ້. ຖ້າຍັງຍຶດຕິດເລື່ອງ ໄດ້ປຽບ-ເສຍປຽບຢູ່, ສັນຍານແບບ
Shared ຄົງບໍ່ເໝາະສໍາລັບທ່ານ.
- Private IP
Address (ລະຫັດທີ່ຢູ່ແບບສ່ວນບຸກຄົນ): ໝາຍເຖີງລະຫັດທີ່ຢູ່ຂອງຄອມພິວເຕີຂອງລູກຄ້າ
ທີ່ເຊື່ອມຕໍ່ອິນເຕີເນັດກັບຜູ້ໃຫ້ບໍລິການອິນເຕີເນັດ ໂດຍທີ່ຜູ້ໃຫ້ບໍລິການອິນເຕີກໍານົດຂື້ນເອົາເອງ.
ລະຫັດທີ່ຢູ່ປະເພດນີ້, ຄອມພິວເຕີອື່ນໆ ທີ່ຢູ່ນອກເຄືອຂ່າຍຂອງຜູ້ໃຫ້ບໍລິການອິນເຕີເນັດ
ຈະບໍ່ຮັບຮູ້ນໍາ. ການມີລະຫັດທີ່ຢູ່ແບບນີ້, ຈະມີຂໍ້ຈໍາກັດໃນໃຊ້ການບໍລິການຕ່າງໆເທີງອິນເຕີເນັດ:
ອາດບໍ່ສາມາດໃຊ້ສຽງ-ກ້ອງເວັບແຄມ ໃນການຕິດຕໍ່-ສື່ສານທາງອິນເຕີເນັດ,...
- Public IP
Address (ລະຫັດທີ່ຢູ່ແບບສາທາລະນະ): ໝາຍເຖີງລະຫັດທີ່ຢູ່ຂອງຄອມພິວເຕີຂອງລູກຄ້າ
ທີ່ເຊື່ອມຕໍ່ອິນເຕີເນັດກັບຜູ້ໃຫ້ບໍລິການອິນເຕີເນັດ ໂດຍທີ່ຜູ້ໃຫ້ບໍລິການອິນເຕີກໍານົດຂື້ນ
ໂດຍອີງໃສ່ລະຫັດທີ່ຢູ່ ທີ່ຍັງຫວ່າງ ທີ່ຜູ້ໃຫ້ບໍລິການອິນເຕີເນັດຄອບຄອງຢູ່
(ໄດ້ມາຈາກການຊື້ຕໍ່ອີກທອດໜຶ່ງ). ລະຫັດທີ່ຢູ່ປະເພດນີ້, ຄອມພິວເຕີອື່ນໆ
ທີ່ຢູ່ນອກເຄືອຂ່າຍຂອງຜູ້ໃຫ້ບໍລິການອິນເຕີເນັດ ຈະຮັບຮູ້ນໍາ. ການມີລະຫັດທີ່ຢູ່ແບບນີ້,
ຈະມີຂໍ້ສະດວກໃນໃຊ້ການບໍລິການຕ່າງໆທຸກໆຢ່າງເທີງອິນເຕີເນັດ.
ຕໍ່ໄປນີ້, ຂ້າພະເຈົ້າຈະນໍາສະເໜີກ່ຽວກັບຂໍ້ມູນຈໍານວນໜຶ່ງຂອງຜູ້ໃຫ້ບໍລິການອິນເຕີເນັດຕ່າງໆໃນລາວ
*
**
ບໍລິສັດ ກໂລບຄອມ - Globecom Electronics Limited (GCE)
ເຮືອນເລກທີ 18, ຖະໜົນ ທ່າເດື່ອ (Km 3).
ຕູ້ໄປສະນີ: 8618 ກໍາແພງນະຄອນວຽງຈັນ
ໂທລະສັບ (ຫ້ອງການ): (856-21) 315706-8
ແຟ໊ກ: (856-21) 315707
e-mail: nramos@sbssi.com (ຜູ້ຈັດການ)
ເວັບໄຊ: ຍັງບໍ່ທັນມີ!
ລັກສະນະການເຊື່ອມຕໍ່: |
ແບບໄຮ້ສາຍ ໂດຍໃຊ້ອຸປະກອນເຊື່ອມຕໍ່
ທີ່ໃຊ້ສັນຍານວິທະຍຸ
|
ອຸປະກອນເຊື່ອມຕໍ່: |
BreezeNet SA-10 D (ສໍາລັບລູກຄ້າ)
ຄວາມສາມາດຮັບສົ່ງຂໍ້ມູນ
(Data Transfer Rate)
|
ລັດສະໝີຕໍ່າກ່ວາ 4 Km
|
3 Mb/s
|
ລັດສະໝີ 4-8 Km |
2 Mb/s
|
ລັດສະໝີ 8-12 Km |
1 Mb/s |
ລາຄາອຸປະກອນ: 2393 US$ (ບໍ່ລວມພາສີ 10%) ຊຶ່ງປະກອບດ້ວຍ:
- BreezeNet SA-10 D
- ກັບກັນແດດ-ຝົນ ເພື່ອໃສ່ BreezeNet SA-10 D
- ການຕິດຕັ້ງ,
- ຈານຮັບສົ່ງສັນຍານ 24 dbi,
- ສາຍຕໍ່ຈານຫາ BreezeNet SA-10 D (ບໍ່ເກີນ 10 m)
- ສາຍເຄືອຂ່າຍ UTP Cable Cat 5, ຕໍ່ຈາກ BreezeNet SA-10 D ໄປຫາຄອມພິວເຕີຂອງລູກຄ້າ
(ບໍ່ເກີນ 100 m)
- ສາຍໄຟ ຕໍ່ຈາກປັກສຽບໄຟຂອງລູກຄ້າໄປຫາ BreezeNet SA-10 D
- ຄ່າບໍລິການສັນຍານເດືອນທໍາອິດ
|
ອຸປະກອນເສີມ:
|
ຖ້າ ຈາກທີ່ຕັ້ງຂອງຈານຮັບສົ່ງສັນຍານຂອງລູກຄ້າ,
ບໍ່ສາມາດເຫັນປາຍເສົາຫຼັກຮັບສົ່ງສັນຍານຂອງບໍລິສັດ ທີ່ຕັ້ງຢູ່ສໍານັກງານຂ່າວສານປະເທດລາວ,
ລູກຄ້າຕ້ອງໄດ້ໃຊ້ເສົາພິເສດ ເພື່ອຕິດຕັ້ງຈານ ແລະອຸປະກອນຮັບສົ່ງສັນຍານ.
ຄວາມສູງຂອງເສົາ ແມ່ນຂື້ນກັບສະຖານທີ່ ທີ່ຈະຕິດຕັ້ງຈານ ແລະອຸປະກອນຮັບສົ່ງສັນຍານ.
ລາຄາຂອງເສົາ (ລວມທັງການຕິດຕັ້ງ, ອຸປະກອນກັນຟ້າຜ່າ-ສາຍດິນ ແລະສາຍກ໊າບ
ແຕ່ບໍ່ລວມພາສີ 10%) ແມ່ນ 100 US$/m; ໃນກໍລະນີທີ່ໃຊ້ເສົາສູງໆ (>
20 m), ບໍລິສັດ ຈະປະກອບອຸປະກອນສະກັດຟ້າຜ່າ (Lightning Arrestor) ເພີ່ມເຕີມໃຫ້.
|
ສັນຍານ ທີ່ໃຫ້ບໍລິການ
ຂະໜາດ
ແລະປະເພດຂອງສັນຍານ
|
ລາຄາຕໍ່ເດືອນ
|
- 32 Kb, Shared
|
300 US$
|
- 64 Kb, Dedicated, Private IP
|
600 US$
|
- 64 Kb, Dedicated, Public IP
|
700 US$ |
- 128 Kb, Dedicated, Private IP
|
1300 US$ |
- 128 Kb, Dedicated, Public IP
|
1400 US$ |
- > 128 Kb, ກະລຸນາຕິດຕໍ່ນໍາບໍລິສັດ
|
|
ທ່ານສາມາດເບີ່ງຂໍ້ມູນລະອຽດກ່ຽວກັບອຸປະກອນ
BreezeNet SA-10 D, ໄດ້ທີ່: http://www.alvarion.com
*
**
ບໍລິສັດ ລາວໂທລະຄົມມະນາຄົມຈໍາກັດ - Lao
Telecommunications Co., Ltd (Laotel)
ສໍານັກງານໃຫຍ່ ເຮືອນເລກທີ 0100,
ຖະໜົນລ້ານຊ້າງ, ກໍາແພງນະຄອນວຽງຈັນ
ຕູ້ໄປສະນີ: 8618
ໂທລະສັບ: (856)
21
216465.
ແຟ໊ກ: (856)
21
216156, 219690
email: marketin@laotel.com (ພະແນກບໍລິການລູກຄ້າ)
wbmaster@laotel.com
(ຜູ້ດຸແລເວັບໄຊ)
ເວັບໄຊ: http://www.laotel.com
ລັກສະນະການເຊື່ອມຕໍ່1: |
ແບບໃຊ້ສາຍໂທລະສັບ
|
ອັດຕາຄ່າສະມາຊິກລາວອິນເຕີເນັດ ແບບບຸກຄົນທໍາມະດາ
(ການສະໝັກໃຊ້ບໍລິການ, ຕ້ອງໄດ້ຊໍາລະຄ່າທໍານຽມເຂົ້າໃຊ້ບໍລິການ
ເຊິ່ງປະກອບດ້ວຍ ຄ່າຈົດທະບຽນ ແລະຄ່າເຊື່ອມຕໍ່)
ຂ້າພະເຈົ້າບໍ່ຮູ້ຂໍ້ມູນຄ່າທໍານຽມເຂົ້າໃຊ້ບໍລິການ
ຊຶ່ງແຕກຕ່າງກັນໄປ ຕາມຊື່ການບໍລິການ (ຊ່ວງປີ 1999,
ຂ້າພະເຈົ້າເຄີຍຈອງ Casual2 (20 ຊມ/ເດືອນ), ຄ່າບໍລິການລາຍເດືອນ
ແມ່ນ 18 $ ຕໍ່ເດືອນ ແລະເສຍຄ່າທໍານຽມ ເຂົ້າໃຊ້ບໍລິການແມ່ນ 38 $).
|
ຊື່ການບໍລິການ
|
ຈໍານວນຊົ່ວໂມງ
ໃຊ້ງານຕໍ່ເດືອນ
|
ຄ່າບໍລິການ
ລາຍເດືອນ
|
ຄ່າບໍລິການ
ຕໍ່ຊົ່ວໂມງໃຊ້ເກີນ
|
Starter1
|
6
|
6 $
|
1.80 $
|
Casual1
|
10
|
12 $
|
1.75 $
|
Casual2
|
15
|
18 $
|
1.70 $
|
Pro1
|
25
|
26 $
|
1.65 $
|
Pro2
|
35
|
33 $
|
1.55 $
|
Busi Pro1
|
50
|
41 $
|
1.30 $
|
|
ອັດຕາຄ່າສະມາຊິກລາວອິນເຕີເນັດ ແບບອົງກອນ
(ການສະໝັກໃຊ້ບໍລິການ, ຕ້ອງໄດ້ຊໍາລະຄ່າທໍານຽມເຂົ້າໃຊ້ບໍລິການ
ເຊິ່ງປະກອບດ້ວຍ ຄ່າຈົດທະບຽນ ແລະຄ່າເຊື່ອມຕໍ່) |
ຊື່ການບໍລິການ |
ຈໍານວນຊົ່ວໂມງ
ໃຊ້ງານຕໍ່ເດືອນ |
ຈໍານວນ
ຜູ້ໃຊ້
|
ຄ່າບໍລິການ
ລາຍເດືອນ |
ຄ່າບໍລິການ
ຕໍ່ຊົ່ວໂມງໃຊ້ເກີນ |
Silver1
|
60
|
4
|
60 $
|
1.20 $
|
Silver2 |
110
|
6
|
105 $
|
1.20 $ |
Silver3 |
180
|
9
|
160 $
|
1.20 $ |
Golden1
|
300
|
15
|
250 $
|
1.00 $ |
Golden2 |
400
|
15
|
315 $
|
1.00 $ |
Golden3 |
550
|
15
|
425 $
|
1.00 $ |
|
ລັກສະນະການເຊື່ອມຕໍ່2: |
ຮັບສັນຍານໂດຍກົງຈາກດາວທຽມ (ລະບົບ
iPSTAR)
|
ຍັງບໍ່ທັນເປີດໃຫ້ໃຊ້ບໍລິການ
|
ທ່ານສາມາດໄປອ່ານຂໍ້ມູນເພີ່ມເຕີມໄດ້ຈາກ:
http://www.laotel.com/broadband.html
|
ຖ້າທ່ານສາມາດອ່ານພາສາໄທໄດ້,
ທ່ານສາມາດຫາຂໍ້ມູນບາງດ້ານກ່ຽວກັບ IPSTAR ຕື່ມຈາກ:
*
**
ບໍລິສັດ
ປລາແນັດ ຄອມພິວເຕີ ຈໍາກັດ - Planet Computers Co. Ltd (Planet)
209
Settahthirath Road,
Ban Mixay,
Vientiane, Lao P.D.R.
Tel : 856 21 218972-4
Fax : 856 21 216387
E-mail : planet@laopdr.com
Website: http://www.laopdr.com
ລັກສະນະການເຊື່ອມຕໍ່1: |
ແບບໃຊ້ສາຍໂທລະສັບ |
|
ປະເພດ
|
ຄ່າຕິດຕັ້ງ
|
ຄ່າບໍລິການລາຍເດືອນ
|
ຈໍານວນຊົ່ວໂມງ
ຕໍ່ເດືອນ
|
ຄ່າບໍລິການ
ຕໍ່ຊົ່ວໂມງໃຊ້ເກີນ |
Economy
|
15 $
|
12 $
|
10
|
1.50 $
|
Business
|
15 $ |
22 $
|
20
|
1.30 $
|
First Class
|
15 $ |
40 $
|
50
|
1.00 $ |
ນອກຈາກນີ້, ຍັງມີການເຊື່ອມຕໍ່ແບບໃຊ້ສາຍໂທລະສັບ
ໂດຍໃຊ້ບັດ (ບໍ່ເສຍຄ່າຕິດຕັ້ງ) ຊຶ່ງເໝາະກັບຜູ້ທີ່ຕ້ອງການໃຊ້ອິນເຕີເນັດ
ແບບບາງຄັ້ງບາງຄາວ ຫຼືສໍາລັບນັກທ່ອງທ່ຽວ. ຂ້າພະເຈົ້າ ເຫັນບັດອິນເຕີເນັດຂອງ
ປລາແນັດ ທີ່ຂຽນຕົວເລກ 10, 20 ແລະ 40 ໃນເວັບຂອງປລາແນັດ
ແຕ່ບໍ່ຮູ້ວ່າໝາຍເຖີງອັນໃດ? ລາຄາເປັນ $ ຫຼື ຈໍານວນຊົ່ວໂມງຕໍ່ເດືອນ
ຫຼືທັງສອງຢ່າງ?!
|
ລັກສະນະການເຊື່ອມຕໍ່2: |
ແບບໄຮ້ສາຍ ໂດຍໃຊ້ອຸປະກອນເຊື່ອມຕໍ່
ທີ່ໃຊ້ສັນຍານວິທະຍຸ |
ອຸປະກອນເຊື່ອມຕໍ່: |
WAP-1960 (Wireless Acces Point with
Bridge - ສໍາລັບລູກຄ້າ)
ຄວາມສາມາດຮັບສົ່ງຂໍ້ມູນ 11, 5.5, 2, 1 Mbps (ຂື້ນກັບໄລຍະທາງ)
ຊ່ວງຮັບສັນຍານສູງສຸດ: 6 Km (ປົກກະຕິ)
40 Km (ເມື່ອຕິດຕັ້ງ
Booster ແລະອັງແຕນຮັບສັນຍານພາຍນອກ - ອຸປະກອນເພີ່ມແມ່ນເປັນພາລະຂອງລູກຄ້າ;
ບໍ່ແນ່ໃຈວ່າ ຝ່າຍເຕັກນິກຈະສາມາດ ສົ່ງສັນຍານໃຫ້ໄດ້ໄກເຖີງພຽງນີ້ຫຼືບໍ່?)
ລາຄາອຸປະກອນ:
WAP-1960: 550 $
ອັງແຕນຮັບສັນຍານ Yagi Directional Antenna: 250 $
ຄ່າຕິດຕັ້ງ ແລະທົດສອບ (8 ຊມ): 160 $
(ບໍ່ແນ່ໃຈວ່າ ລາຄາຂ້າງເທີງນີ້ ແມ່ນລວມທັງພາສີ 10% ແລ້ວຫຼືບໍ່?)
ປະເພດ
|
ຈໍານວນຄອມ
ພິວເຕີ
|
ຄ່າບໍລິການລາຍເດືອນ
|
ຈໍານວນຊົ່ວໂມງ
ຕໍ່ເດືອນ
|
Shared 64 Kbps
|
<
10
|
400
$
|
ບໍ່ຈໍາກັດ
|
Shared 80 Kbps |
<
15
|
500
$
|
ບໍ່ຈໍາກັດ
|
Shared 128 Kbps |
<
20
|
800
$
|
ບໍ່ຈໍາກັດ |
Dedicated 64 Kbps
|
|
1100
$
|
ບໍ່ຈໍາກັດ |
|
|
ຖ້າທ່ານຕ້ອງການຮູ້ລາຍລະອຽດເພີ່ມເຕີມກ່ຽວກັບອຸປະກອນ
WAP-1960, ກະລຸນາເຂົ້າໄປຢ້ຽມເບີ່ງເວັບໄຊ:
http://www.planet.com.tw
ຮູ້ສຶກວ່າອຸປະກອນ WAP-1960 ຕົກລຸ້ນໄປແລ້ວ ແລະຖືກທົດແທນດ້ວຍ WAP-1963 ແລະ WAP-1963A.
*
**
ບໍລິສັດ
ລ້ານຊ້າງອິນເຕີເນັດ - Lanexang Internet Services Co., Ltd. (LanexangNet)
ເຮືອນເລກທີ 205, ຖະໜົນເສດຖາທິລາດ, ບ້ານມີໄຊ, ເມືອງຈັນທະບູລີ, ແຂວງກໍາແພງນະຄອນວຽງຈັນ.
ໂທລະສັບ: (856) 21 241368
ແຟ໊ກ: (856)
21 241369
ອີເມ: sales@lanexangnet.com (ພະແນກບໍລິການ)
ເວັບໄຊ: http://www.lanexangnet.com
ລັກສະນະການເຊື່ອມຕໍ່1: |
ແບບໃຊ້ສາຍໂທລະສັບ |
ປະເພດບຸກຄົນທໍາມະດາ
|
ປະເພດ
|
ຄ່າຕິດຕັ້ງ
|
ຄ່າບໍລິການລາຍເດືອນ |
ຈໍານວນຊົ່ວໂມງ
ຕໍ່ເດືອນ |
ຄ່າບໍລິການ
ຕໍ່ຊົ່ວໂມງໃຊ້ເກີນ |
ແບບທົ່ວໄປ
|
10 $
|
35 $
|
50
|
1.00 $
|
ແບບພິເສດ
|
10 $
|
200 $
|
ບໍ່ຈໍາກັດ
|
0.00 $
|
ແບບພິເສດ ຈະມີສາຍໂທລະສັບ 1 ສາຍທີ່ຈັດໃຫ້ໂດຍສະເພາະ ໃນການເຊື່ອມຕໍ່ເຂົ້າໃຊ້ອິນເຕີເນັດ.
|
ລັກສະນະການເຊື່ອມຕໍ່2: |
ແບບໄຮ້ສາຍ ໂດຍໃຊ້ອຸປະກອນເຊື່ອມຕໍ່
ທີ່ໃຊ້ສັນຍານວິທະຍຸ |
ອຸປະກອນເຊື່ອມຕໍ່1:
ອຸປະກອນເຊື່ອມຕໍ່2:
ອຸປະກອນເຊື່ອມຕໍ່3:
|
BreezeNet SA-10 D, ລາຄາ 2200 $
(ສໍາລັບລາຍລະອຽດ, ກະລຸນາຕິດຕໍ່ນໍາບໍລິສັດ)
BreezeNet WB-10, ລາຄາ 2200 $ (ສໍາລັບລາຍລະອຽດ, ກະລຸນາຕິດຕໍ່ນໍາບໍລິສັດ)
WaveBolt Series 9 Subscriber, ລາຄາ 1200 $ (ສໍາລັບລາຍລະອຽດ,
ກະລຸນາເຂົ້າໄປເບີ່ງທີ່ http://www.lanexangnet.com/WaveBolt.htm).
ປະເພດ
|
ຄ່າຕິດຕັ້ງ |
ຄວາມໄວ
|
ຄ່າບໍລິການລາຍເດືອນ |
ອຸປະກອນເຊື່ອມຕໍ່ທີ່ໃຊ້
|
Corporate (Shared)
|
100 $
|
256/128
|
400 $
|
SA-10D
|
Dedecated 64
|
30 $
|
64/32
|
840 $
|
WB-10 ຫຼື WaveBolt
|
Dedecated 128
|
30 $ |
128/64
|
1440 $
|
WB-10 ຫຼື WaveBolt |
Dedecated 256
|
30 $ |
256/128
|
2400 $
|
WB-10 ຫຼື WaveBolt |
Dedecated 512
|
30 $ |
ກະລຸນາຕິດຕໍ່ ເບີໂທ
241368
|
WB-10 ຫຼື WaveBolt |
ຊ່ວງຮັບສັນຍານສູງສຸດຂອງອຸປະກອນເຊື່ອມຕໍ່:
BreezeNet SA-10 D: 8 Km; WaveBolt Series 9 Subscriber: 8 Km; BreezeNet
WB-10: 45 Km. |
ລັກສະນະການເຊື່ອມຕໍ່3: |
ແບບໃຊ້ສາຍໂທລະສັບ ແຕ່ເປັນລະບົບ
VDSL (ຊ່ວງໄລຍະບໍ່ເກີນ 1.5 Km)
|
ອຸປະກອນເຊື່ອມຕໍ່: |
Prestige 841/Prestige 841C (ລູກຄ້າ/ສູນບໍລິການ)
ລາຄາອຸປະກອນ (Prestige 841 + Prestige
841C): 1200 $ (ໜ່ວຍໜຶ່ງຕິດຕັ້ງຢູ່ຝັ່ງລູກຄ້າ, ອີກໜ່ວຍໜຶ່ງຕິດຕັ້ງຢູ່ຝັ່ງສູນບໍລິການ
- ທັງໝົດເປັນພາລະຂອງລູກຄ້າ),
ສາຍໂທລະສັບ, ຕໍ່ຈາກຝັ່ງລູກຄ້າ
ຫາສູນບໍລິການ (1 m/1 $).
ປະເພດ
|
ຄວາມໄວ
|
ຄ່າບໍລິການລາຍເດືອນ |
Corporate (Shared)
|
256/128
|
300 $
|
Dedecated 64
|
64/32
|
840 $
|
Dedecated 128
|
128/64
|
1440 $
|
Dedecated 256
|
256/128
|
2400 $
|
Dedecated 512
|
ກະລຸນາຕິດຕໍ່ ເບີໂທ 241368
|
|
ທ່ານສາມາດເບີ່ງລາຍລະອຽດ ກ່ຽວກັບອຸປະກອນເຊື່ອມຕໍ່ເຫຼົ່ານີ້ ໄດ້ຈາກ:
*
**
ບໍລິສັດລັດວິສາຫະກິດໂທລະຄົມລາວ
- Entreprise of Telecommunications Lao (ETL)
ເຮືອນເລກທີ 110, ຖະໜົນສາຍລົມ, ເມືອງຈັນທະບູລີ ກໍາແພງນະຄອນວຽງຈັນ
ຕູ້ໄປສະນີ 7953, ກພ. ວຽງຈັນ
ໂທລະສັບ: (856)
21 215153,
ແຟ໊ກ:( 856) 21 213493
ອີເມ: csd@etllao.com (ສູນບໍລິການລູກຄ້າສາຍລົມ)
ເວັບໄຊ: http://www.etllao.com
ລັກສະນະການເຊື່ອມຕໍ່ |
ແບບໃຊ້ສາຍໂທລະສັບ |
ຂ້າພະເຈົ້າຍັງບໍ່ທັນມີຂໍ້ມູນກ່ຽວກັບການຈອງອິນເຕີເນັດນໍາບໍລິສັດນີ້;
ຮູ້ພຽງແຕ່ວ່າ ບໍລິສັດນີ້, ໄດ້ເລີ່ມໃຫ້ບໍລິການອິນເຕີເນັດ ແບບໃຊ້ສາຍໂທລະສັບ
ຊຶ່ງປະກອບມີທັງ ແບບຈອງໃຊ້ ແລະແບບໃຊ້ບັດ. ເມື່ອໃດທີ່ໄດ້ຂໍ້ມູນເພີ່ມເຕີມ,
ຂ້າພະເຈົ້າ ຈະນໍາສະເໜີຕໍ່.
|
|
*
**
ເພື່ອຮັກສາຜົນປະໂຫຍດຂອງທ່ານ,
ກ່ອນຈະຕັດສິນໃຈເລືອກໃຊ້ບໍລິການຂອງຜູ້ໃຫ້ບໍລິການອິນເຕີເນັດລາຍໃດລາຍໜຶ່ງຂ້າງເທີງ,
ຄວນ:
- ສອບຖາມເລື່ອງບໍລິການຫຼັງການຂາຍ, ຄວາມຄົງເສັ້ນ-ຄົງວາຂອງສັນຍານ
ຈາກຜູ້ທີ່ເຄີຍໃຊ້ບໍລິການ ນໍາຜູ້ໃຫ້ບໍລິການອິນເຕີເນັດເຫຼົ່ານີ້,
- ໃຊ້ອິນເຕີເນັດຈາກຮ້ານອິນເຕີເນັດ ເພື່ອຊອກຫາຂໍ້ມູນກ່ຽວກັບອຸປະກອນເຊື່ອມຕໍ່
ຕະຫຼອດຮອດລາຄາຂອງມັນ. ໃຫ້ເຂົ້າໃຈວ່າ ຖ້າທ່ານຂາຍອຸປະກອນເຊື່ອມຕໍ່ເຫຼົ່ານີ້
ຫຼັງຈາກທີ່ໄດ້ໃຊ້ໄປແລ້ວ 3-6 ເດືອນ, ຖ້າທ່ານສາມາດຂາຍໄດ້ໃນລາຄາ 40%
ຂອງລາຄາທີ່ວາງຂາຍຢູທ້ອງຕະຫຼາດໂລກ (ບໍ່ແມ່ນລາຄາທີ່ທ່ານຊື້ນໍາຜູ້ໃຫ້ບໍລິການອິນເຕີເນັດ),
ຖືໄດ້ວ່າ ທ່ານຂາຍໄດ້ລາຄາດີ!
- ຖ້າທ່ານມີບັນຫາຕ້ອງການສອບຖາມ, ທ່ານສາມາດເຂົ້າໄປແລກປ່ຽນຄໍາຄຶດ-ຄໍາເຫັນໃນກະດານເວັບພາສາລາວຂອງເວັບໄຊນີ້ໄດ້ທີ່ນີ້:
http://amazingforums.com/forum1/NARIN/forum.html
ຖ້າຂ້າພະເຈົ້າຕອບໄດ້, ກໍ່ຈະຕອບ; ຖ້າຕອບບໍ່ໄດ້, ຄົງໄດ້ແຕ່ພຽງຫວັງວ່າ
ຜູ້ຮູ້ທ່ານອື່ນໆ ອາດຕອບຂໍ້ຂ້ອງໃຈຂອງທ່ານໄດ້.
ຖ້າທ່ານຕ້ອງການປຽບທຽບ
ລາຄາຂອງອຸປະກອນຕ່າງໆທີ່ຜູ້ໃຫ້ບໍລິການອິນເຕີເນັດຂ້າງເທີງຂາຍແກ່ທ່ານ
ກັບລາຄາທີ່ຂາຍໃນຕະຫຼາດໂລກ, ທ່ານສາມາດເຂົ້າໄປທີ່
http://www.google.com
ຈາກນັ້ນ ໃຫ້ພິມໃນປ່ອງ Search ຄືດັ່ງນີ້: "ຊື່ອຸປະກອນ" "price list" ແລ້ວກົດປຸ່ມ
Enter ທີ່ຢູ່ແປ້ນພິມ. ຫຼັງຈາກນັ້ນ, ຈະມີລາຍຊື່ຂອງເວັບໄຊ ພ້ອມທັງລາຍລະອຽດຈໍານວນໜຶ່ງປາກົດຂື້ນມາ:
ອິງຕາມລາຍລະອຽດ, ໃຫ້ເລືອກຄລິກເບີ່ງເວັບໄຊເຫຼົ່ານັ້ນ; ຖ້າບໍ່ໄດ້ສິ່ງທີ່ຕ້ອງການ,
ໃຫ້ກົດປຸ່ມ Back ໃນໂປແກຣມທ່ອງເວັບ ແລ້ວຄລິກເຂົ້າໄປເບີ່ງເວັບອື່ນໆ...
ກໍາແພງນະຄອນວຽງຈັນ, ວັນທີ່
23 ກຸມພາ 2004
ນະຣີນ.