|
| ກັບຄືນເວັບຫນ້າທຳອິດ | ກັບຄືນຫນ້າ "ຄອມພິວເຕີ" | ສ່ວນປະກອບຄອມ | ຊອບແວນຳໃຊ້ | ການເລືອກຊື້ | ການຈອງອິນເຕີເນັດ | ບົດຂຽນ-ສາລະຕ່າງໆ |ການຂຽນເວັບພາສາລາວ | |
ຫຼັງຈາກທີ່ທ່ານໄດ້ຕິດຕັ້ງ narin.ttf ເຂົ້າໃນຄອມພິວເຕີຂອງທ່ານແລ້ວ, ທ່ານຈະສາມາດເຫັນຂໍ້ຄວາມຕ່າງໆໃນເວັບໄຊນີ້ທັງຫມົດເປັນພາສາລາວ, ແຕ່ທ່ານຈະຍັງບໍ່ທັນສາມາດພິມພາສາລາວທີ່ມີຢູ່ໃນຟອນ narin.ttf ໄດ້ເທື່ອ. ຢາກພິມພາສາລາວທີ່ມີຢູ່ໃນຟອນ narin.ttf ອອກທາງຫນ້າຈໍ, ຢູ່ໃນໂປຣແກຣມນຳໃຊ້ຈຳນວນຫນຶ່ງ ໂດຍສະເພາະໃນໂປຣແກຣມຊຸດ Microsoft Office ຫຼືໃນ Internet Explorer ໂດຍສະເພາະເວັບໄຊອີເມຕ່າງໆ, ທ່ານຈຳເປັນຕ້ອງໄດ້ຕິດຕັ້ງ Narin Script. ການຕິດຕັ້ງ Narin Script ແມ່ນໄດ້ຖືກຈັດອອກເປັນ 2 ສ່ວນຄື:
ສຳລັບຄອມພິວເຕີທີ່ໃຊ້ Windows 98 ຫຼື Windows 98 SE ຫຼື Windows Me,
ສຳລັບຄອມພິວເຕີທີ່ໃຊ້ Windows 2000 Professional ຫຼື Windows XP Professional (ສຳລັບ Windows 2000 Home Edition ແລະ Windows XP Home Edition ນັ້ນ, ຂ້າພະເຈົ້າບໍ່ແນ່ໃຈວ່າ ຈະຕິດຕັ້ງແບບທີ 1 ຫຼື ແບບທີ 2 ເພາະບໍ່ມີ Windows ເຫຼົ່ານີ້ ມາທົດສອບ).
| ສຳລັບ | Narin Script Setup | Narin Script Setup ເພີ່ມເຕີມ |
| Windows 98 ແລະ Me | NarinScriptfor98&Me.exe | |
| Windows 2000 Pro ແລະ XP Pro | NarinScriptfor2000&XP_admin.exe | NarinScriptfor2000&XP_user.exe |
ຫມາຍເຫດ:
ໂປຣແກຣມເຫຼົ່ານີ້ ໄດ້ຖືກບີບອັດໃນຮູບແບບຂອງໄຟລ໌ແບບ zip (compress files) ເພື່ອຄວາມສະດວກໃນການດາວໂຫຼດ. ທ່ານຕ້ອງຄາຍ (extract) ໄຟລ໌ເຫຼົ່ານີ້ເສຍກ່ອນ ຈຶ່ງຈະສາມາດໃຊ້ງານໄດ້. NarinScriptfor2000&XP_user.exe ແມ່ນສຳລັບຜູ້ໃຊ້ທີ່ບໍ່ແມ່ນ administrator.
ອະທິບາຍເພີ່ມ:
NarinScriptfor98&Me.exe ແມ່ນສຳລັບຕິດຕັ້ງ narin Script ເຂົ້າໃນຄອມພິວເຕີທີ່ໃຊ້ Windows 98 ຫຼື Windows Me. ໂປຣແກຣມນີ້ ໄດ້ຖືກຂຽນຂື້ນ ເພື່ອໃຫ້ຄາຍ (extract) CP_Narin.nls ແລະ kbdnarin.kbd ໄປໄວ້ໃນ C:\WINDIR\SYSTEM (ຖ້າເຄື່ອງທ່ານຕິດຕັ້ງ Windows ໃສ່ Folder C:\Windows98 ຫຼື C:\Windows ຫຼື C:\My Windows, WINDIR ຈະເທົ່າກັບ C:\Windows98 ຫຼື C:\Windows ຫຼື C:\My Windows ຕາມລຳດັບ). ນອກຈາກນີ້, ມັນຍັງດັດແປງ Registry ທີ່ສຳຄັນ ແລະອັນຕະລາຍ (ແປງ ACP - Automatic CodePage? ສະບັບເດີມ ໄປເປັນ 876). ຢ່າງໃດກໍ່ຕາມ, ມັນຈະບໍ່ເຖີງຂັ້ນເຮັດໃຫ້ຄອມພິວເຕີ Boot ບໍ່ຂື້ນ (computer crashed) ເພາະໄຟລ໌ທີ່ມັນເອີ້ນໃຊ້ ແມ່ນມີຢູ່ Folder ທີ່ມັນໄປຊອກຫາ. ພ້ອມກັນນັ້ນ, ມັນຍັງມີການປັບ Registry ເພື່ອໃຫ້ສາມາດ ສະຫຼັບພາສາທີ່ມານຳເຄື່ອງກັບພາສາລາວ (Narin Script) ດ້ວຍປຸ່ມ Left Alt + Shift (ການປັບ registry ເທື່ອນີ້, ບໍ່ມີຄວາມເປັນອັນຕະລາຍໃດໆ). ກ່ອນທີ່ຈະແລ່ນ NarinScriptfor98&Me.exe, ທ່ານຕ້ອງໄດ້ຕິດຕັ້ງ Narin.ttf ເສຍກ່ອນ. ຖ້າທ່ານໄດ້ສຳເນົາ CP_Narin.nls ແລະ kbdnarin.kbd ໄປໄວ້ໃນ C:\WINDIR\SYSTEM, ຫຼືໄດ້ແລ່ນ Narin.reg ກ່ອນຫນ້ານີ້ແລ້ວ (ໂດຍປະຕິບັດຕາມຄຳແນະນຳຂອງ ບົດຄວາມ "ບັນຫາພາສາລາວ ແລະການສະແດງຜົນເທີງເວັບ"), ການແລ່ນ NarinScriptfor98&Me.exe ຈະເກີດມີ error ຂື້ນ ແລະຈະເປັນການລົບລ້າງ Narin Script ໂດຍມີການປັບ ACP ຈາກ 876 ໃຫ້ກັບເປັນ 1252 (codepage ຂອງ English-United States). ໃນກໍລະນີນີ້, ໃຫ້ Boot ເຄື່ອງໃຫມ່ ແລ້ວແລ່ນ NarinScriptfor98&Me.exe ຄືນໃຫມ່ (ຈະບໍ່ມີຂໍ້ຄວາມ error ເກີດຂື້ນ); ຈາກນັ້ນ, ໃຫ້ Boot ເຄື່ອງໃຫມ່ ແລ້ວ Narin Script ຈຶ່ງຈະມີຜົນໃຊ້ໄດ້.
NarinScriptfor2000&XP_admin.exe ແມ່ນສຳລັບຕິດຕັ້ງ narin Script ເຂົ້າໃນຄອມພິວເຕີທີ່ໃຊ້ Windows 2000 Professional ຫຼື Windows XP Professional (ຕ້ອງເຂົ້າໃຊ້ເຄື່ອງໃນນາມຂອງ Administrator ຈື່ງຈະສາມາດແລ່ນໂປຣແກຣມນີ້ໄດ້). ກ່ອນທີ່ຈະແລ່ນ NarinScriptfor2000&XP_admin.exe, ທ່ານຕ້ອງໄດ້ຕິດຕັ້ງ Narin.ttf ເສຍກ່ອນ. ໂປຣແກຣມນີ້ ໄດ້ຖືກຂຽນຂື້ນ ເພື່ອໃຫ້ຄາຍ (extract) kbdlao.dll ໄປໄວ້ໃນ C:\WINDIR\SYSTEM32 (ຄວາມຫມາຍຂອງ WINDIR ໃຫ້ເບີ່ງຢູ່ຫຍໍ້ຫນ້າຂ້າງເທີງ). ນອກຈາກນີ້, ມັນຍັງດັດແປງ Registry ໂດຍເອົາ kbdlao.dll ໄປປ່ຽນແທນຂອງ United States-International (ບໍ່ມີຄວາມອັນຕະລາຍໃດໆ). ພ້ອມກັນນັ້ນ, ມັນຍັງມີການປັບ Registry ເພື່ອໃຫ້ສາມາດ ສະຫຼັບພາສາທີ່ມານຳເຄື່ອງກັບພາສາ English United States-International (Narin Script- ຊຶ່ງເອົາ kbdlao.dll ໄປແທນບ່ອນຂອງ United States-International, ຈະເຮັດໃຫ້ ການສະຫຼັບພາສາໄປເປັນ United States-International ກໍ່ເຫມືອນກັບສະຫຼັບໄປເປັນພາສາລາວ ເພາະເມື່ອແປ້ນພິມຢູ່ພາວະຂອງ United States-International, ມັນຈະບໍ່ພິມອອກມາເປັນຕົວຫນັງສືລາແຕງ ແຕ່ຈະພິມອອກມາເປັນຕົວຫນັງສືລາວ) ດ້ວຍປຸ່ມ Left Alt + Shift.
NarinScriptfor2000&XP_user.exe ແມ່ນສຳລັບຕິດຕັ້ງ narin Script ເຂົ້າໃນຄອມພິວເຕີທີ່ໃຊ້ Windows 2000 Professional ຫຼື Windows XP Professional ສຳລັບຜູ້ທີ່ເຂົ້າໃຊ້ເຄື່ອງໃນນາມຂອງ User ໃດຫນຶ່ງ. ໂປຣແກຣມນີ້, ຕ້ອງແລ່ນ ຫຼັງຈາກທີ່ໄດ້ຕິດຕັ້ງ Narin.ttf ແລະ NarinScriptfor2000&XP_admin.exe; ຫມາຍຄວາມວ່າ, ໃຫ້ຕິດຕັ້ງ Narin.ttf ແລະ NarinScriptfor2000&XP_admin.exe ໃນນາມຂອງ Administrator ເສຍກ່ອນ. ຫຼັງຈາກ Boot ເຄື່ອງໃຫມ່, ໃຫ້ເຂົ້າໃຊ້ເຄື່ອງໃນນາມຂອງ User ໃດຫນຶ່ງ, ແລ່ນ NarinScriptfor2000&XP_user.exe ຈຶ່ງຈະເຮັດໃຫ້ Narin Script ມີຜົນໃຊ້ໄດ້ສຳລັບ User ຜູ້ນັ້ນໆ. NarinScriptfor2000&XP_user.exe ເປັນພຽງສ່ວນຫນຶ່ງຂອງ NarinScriptfor2000&XP_admin.exe ໂດຍທີ່ມີພຽງການປັບ Registry ໃນສ່ວນຂອງ User ເພື່ອໃຫ້ສາມາດ ສະຫຼັບແປ້ນພິມພາສາທີ່ມານຳເຄື່ອງກັບພາສາ English United States-International, ຖ້າແປ້ນພິມຢູ່ພາວະຂອງ United States-International, ມັນຈະບໍ່ພິມອອກມາເປັນຕົວຫນັງສືລາແຕງ ແຕ່ຈະພິມອອກມາເປັນຕົວຫນັງສືລາວ.
ຂໍ້ຄວນລະວັງ:
ໂປຣແກຣມເຫຼົ່ານີ້ ໂດຍສະເພາະ NarinScriptfor98&Me.exe ມີການດັດແປງ Registry ທີ່ສຳຄັນ; ຖ້າເອົາໄປໃຊ້ໃນ Windows 2000 ຫຼື XP ອາດເຮັດໃຫ້ເຄື່ອງ Boot ບໍ່ໄດ້. ຖ້າເປັນຄືທີ່ວ່ານີ້, ໃຫ້ Boot ເຄື່ອງໃຫມ່, ກ່ອນທີ່ເຄື່ອງຈະສະແດງ Logo ຂອງ Windows, ໃຫ້ກົດ F8 ຫນໆໄວ້. ເມື່ອມີ ຫນ້າຈໍໃຫ້ເລືອກວິທີເຂົ້າສູ່ Windows, ໃຫ້ເລືອກເອົາ "Last Known Good Configuration (your most recent setting that worked)" ຊຶ່ງການເລືອກອັນນີ້ ຈະເປັນການກູ້ Registry ສະບັບເດີມ ກ່ອນຫນ້າທີ່ຫຼົງໄປແລ່ນ NarinScriptfor98&Me.exe ຢູ່ໃນ Windows 2000 ຫຼື Windows XP.
ຜູ້ຂຽນຍັງບໍ່ທັນມີຄວາມຮູ້ພຽງພໍເຖີງຂັ້ນທີ່ຈະຂຽນໂປຣແກຣມລົບລ້າງ (uninstall) ໂປຣແກຣມເຫຼົ່ານີ້. ຜູ້ໃຊ້ ຕ້ອງໄດ້ລົບລ້າງເອງດ້ວຍມື ໂດຍໃຫ້ປະຕິບັດຕາມຄຳແນະນຳລຸ່ມນີ້
ສຳລັບ NarinScriptfor98&Me.exe, ແລະ ພາສາດັ້ງເດີມທີ່ມານຳເຄື່ອງແມ່ນ English-United States, ໃຫ້ແລ່ນ NarinScriptfor98&Me.exe ຄືນໃຫມ່, ເມື່ອມີ Error ເກີດຂື້ນ, ໃຫ້ Restart ເຄື່ອງໃຫມ່, Narin Script ຈະບໍ່ມີຜົນໃຊ້ໄດ້ຕໍ່ໄປອີກ. ຖ້າພາສາດັ້ງເດີມທີ່ມານຳເຄື່ອງບໍ່ແມ່ນ English-United States, ກ່ອນຈະແລ່ນ NarinScriptfor98&Me.exe ໃນຄັ້ງທຳອິດ, ໃຫ້ Start --> Run, ພິມ regedit ແລ້ວກົດ OK; ເມື່ອ ໂປຣແກຣມ Registry Editor ປາກົດຂື້ນມາ, ໃຫ້ຄລິກ 2 ຄັ້ງໄວໆໃສ່ HKEY_LOCAL_MACHINE --> System --> CurrentControlSet --> Control --> Nls --> Codepage, ຢູ່ປ່ອງຢ້ຽມດ້ານຂວາມື, ໃຫ້ເລື່ອນໄປເບີ່ງຄ່າຂອງ ACP, ຖ້າເປັນຄ່າທີ່ຕ່າງຈາກ 1252 (codepage ຂອງ English-United State), ໃຫ້ຈົດຄ່າດັ່ງກ່າວໄວ້ ຢູ່ປື້ມບັນທຶກ. ຖ້າເຮົາເຂົ້າມາແປງ ຄ່າດັ່ງກ່າວ ໃຫ້ເປັນຄ່າເດີມຂອງມັນ ຕາມທີ່ໄດ້ຈົດໄວ້ໃນປື້ມບັນທຶກ ກໍ່ຈະທຽບເທົ່າກັບການລົບລ້າງ Narin Script.
ສຳລັບ NarinScriptfor2000&XP (ທັງ admin ແລະ user - ແຕ່ຕ້ອງເຂົ້າໃຊ້ໃນນາມຂອງ admin ແລະ user), ໃຫ້ໄປ Start --> Control Panel --> Regional and Language Options --> Languages --> Details --> ຄລິກເລືອກ United States - International, ຄລິກ Remove, ຄລິກ OK.
ບໍ່ຄວນສຳເນົາໂປຣແກຣມເຫຼົ່ານີ້ ເພື່ອຝາກໄປໃຫ້ຫມູ່ຄູ່-ມິດສະຫາຍ ໂດຍບໍ່ອະທິບາຍເຖີງຂໍ້ຄວນລະວັງຕ່າງໆ. ວິທີທີ່ດີທີ່ສຸດ, ຄວນແນະນຳໃຫ້ເຂົາເຈົ້າ ເຂົ້າມາດາວໂຫຼດເອົາເອງຈາກເວັບໄຊນີ້ ໂດຍອາດຫາອ່ານຂໍ້ມູນເພີ່ມເຕີມຈາກ ຫົວຂໍ້ທີ 1. "ພາສາລາວ ແລະບັນຫາການສະແດງຜົນເທີງເວັບ" ແລະ ຫົວຂໍ້ທີ 2. "ບັນນາທິການຖະແຫຼງ".
ຖ້າທ່ານຕ້ອງການພິມຫນ້າ "ຕິດຕັ້ງ Narin Script" ອອກທາງເຄື່ອງພິມ ເພື່ອໄວ້ໃຊ້ເປັນສິ່ງອ້າງອີງໃນເວລາຕິດຕັ້ງ, ໃຫ້ ສັ່ງພິມຈາກ Print Preview; ຖ້າສັ່ງພິມຈາກ Print ທຳມະດາ, ຈະບໍ່ສາມາດພິມອອກເປັນອັກສອນລາວ.
ຂ້າງລຸ່ມນີ້ ແມ່ນແປ້ນພິມຂອງ Narin Script. ສະຕິກເກີທີ່ໃຊ້ຕິດແປ້ນພິມສຳລັບ Narin Script ບໍ່ໄດ້ມີຂາຍ ແຕ່ຜູ້ອ່ານສາມາດຊື້ສະຕິກເກີແປ້ນພິມພາສາລາວທົ່ວໆໄປມາໃຊ້ທົດແທນໄດ້ (ລາຄາໃນຊ່ວງ 5000-10000 ກີບ). ສຳລັບຜູ້ທີ່ຢູ່ຕ່າງປະເທດ, ການຊອກຊື້ສະຕິກເກີຕິດແປ້ນພິມທີ່ເປັນພາສາລາວ ຄົງຈະບໍ່ສະດວກ. ດັ່ງນັ້ນ, ຂ້າພະເຈົ້າ ຈຶ່ງຈັດໄຟລ໌ Document ທີ່ມີຮູບສະຕິກເກີແປ້ນພິມພາສາລາວໃຫ້ດາວໂຫຼດ. ໃຫ້ທ່ານພິມອອກໃສ່ເຈັ້ຍສະຕິກເກີ, ກ່ອນຈະທຳການຕັດ, ໃຫ້ໃຊ້ເທັບໃສ ຕິດເຕັງທັບ ເພື່ອປ້ອງກັນບໍ່ໃຫ້ຕົວຫນັງສືຈາງ ຫຼືຫາຍໄປຫຼັງຈາກໃຊ້ງານໄປໃນໄລຍະໃດຫນຶ່ງ.
ດາວໂຫຼດ narinscriptkeyboard.doc
ການພິມພາສາລາວໂດຍໃຊ້ Narin Script ມີຂໍ້ສັງເກດດັ່ງນີ້:
Left Alt + Shift: ສະຫຼັບພາສາລາວ ແລະພາສາຫຼັກຂອງເຄື່ອງ
ການພິມອັກສອນປະສົມເຊັ່ນ xໍ່, xໍ້, xົ້, xິ້, xີ້, xັ້, xຶ້, ແລະ xື້ ຕ້ອງພິມ xໍ + x່, xໍ + x້, xົ້, ... ຫມາຍຄວາມວ່າ ການພິມອັກສອນປະສົມ ຕ້ອງແຍກພິມເປັນອັກສອນດ່ຽວ ຫຼາຍໆຕົວ ແຕ່ອາດຈະຍົກເວັ້ນກໍລະນີຂອງ xຳ, x, x. ຖ້າບໍ່ປະຕິບັດຕາມນີ້, ເມື່ອເອົາຂໍ້ຄວາມດັ່ງກ່າວຂື້ນເທີງຫນ້າເວັບ, ຫຼັງຕົວອັກສອນປະສົມເຫຼົ່ານີ້ ຈະມີການແຍກຊ່ອງຫວ່າງ 1 ຊ່ອງ ແລະເຮັດໃຫ້ບໍ່ເປັນຕາເບີ່ງ.
Shift +ຜ: ແມ່ນໂຄດ (code) ໃນການແຍກພະຍາງສຳລັບ Narin Script. ການກົດແປ້ນພິມດັ່ງກ່າວ, ໃນບາງໂປຣແກຣມ ອາດຈະບໍ່ເຫັນຫຍັງສະແດງອອກ; ໃນບາງໂປຣແກຣມ ອາດຈະເຫັນເປັນຮູບສີ່ຫຼ່ຽມນ້ອຍ. ໂຄດນີ້ ຈະມີປະໂຫຍດໃນການຂຽນຫນ້າເວັບເປັນພາສາລາວ: ຖ້າແຊກເຂົ້າໃນແຕ່ລະພະຍາງ, ຈະເຮັດໃຫ້ການຕັດຄຳເປັນໄປຢ່າງສົມບູນທີ່ສຸດ ເມື່ອສະແດງຢູ່ເທີງເວັບ - ພະຍາງຂອງຂໍ້ຄວາມທີ່ຢູ່ທ້າຍແຖວ ຈະຖືກຍ້າຍລົງໄປຢູ່ຕົ້ນຂອງແຖວໃຫມ່ໂດຍອັດຕະໂນມັດ, ບໍ່ວ່າຈະປັບຈໍນ້ອຍລົງ ຫຼືໃຫຍ່ຂື້ນ, ຂໍ້ຄວາມຈະປັບໄປຕາມໂດຍມີການຕັດຄຳຢ່າງຖືກຕ້ອງ. ການແຊກຂໍ້ຄວາມໃສ່ແຕ່ລະພະຍາງ ຈະສ້າງບັນຫາໃນການຊອກຫາຄຳ ໂດຍສະເພາະຂໍ້ຄວາມທີ່ເປັນຄຳທີ່ມີຫຼາຍພະຍາງ. ຢາກແກ້ໄຂບັນຫາການຊອກຄຳ, ເຮົາຕ້ອງແຊກໂຄດແຍກພະຍາງ ໃນຂໍ້ຄວາມທີ່ຕ້ອງການຊອກເຊັ່ນກັນ ບໍ່ດັ່ງນັ້ນ, ມັນຈະບໍ່ພົບຄຳທີ່ຕ້ອງການຊອກ.
ຫວັງຢ່າງຍິ່ງວ່າ Narin Script ຄົງເປັນປະໂຫຍດສຳລັບທ່ານ ໃນການເປັນເຄື່ອງມືທີ່ໃຊ້ສື່ສານລະຫວ່າງຄົນລາວດ້ວຍກັນ.
ນະຣິນ-ສັກກຣາຊ
7/01/2003