ບາດນີ້
ມາຮອດຂັ້ນຕອນທີ່ພວກເຮົາຈະຕ້ອງໄດ້ປ້ອນຂໍ້ມູນຕ່າງ;
ໃຫ້ດໍາເນີນການຕາມທີ່ສະເໜີຢູ່ຂ້າງລຸ່ມນີ້:
- ຢູ່ປ່ອງ First Name,
ໃຫ້ພິມຊື່ຂອງເຮົາໃສ່ (ຂື້ນຕົ້ນດ້ວຍອັກສອນໂຕໃຫຍ່),
ຫ້າມຕື່ມໂຕເລກໃສ່ເປັນອັນຂາດ;
- ຢູ່ປ່ອງ Last
Name, ໃຫ້ພິມນາມສະກຸນຂອງເຮົາໃສ່
(ຂື້ນຕົ້ນອັກສອນດ້ວຍໂຕໃຫຍ່
ຫຼືພິມເປັນໂຕໃຫຍ່ໝົດກໍ່ໄດ້). ຊື່ ແລະນາມສະກຸນ,
ຄວນເປັນຊື່ຈິງ
ແລະນາມສະກຸນຈິງ:
ຖ້າເຮົາສົ່ງອີເມໄປຫາໝູ່ຄູ່-ຍາດຕິພີ່ນ້ອງ,
ເຂົາເຈົ້າຈະຮູ້ວ່າ ແມ່ນໃຜສົ່ງອີເມມາຫາ -
ຖ້າເຂົາເຈົ້າບໍ່ຮູ້ຈັກ
ຊື່ປອມແລະນາມສະກຸນປອມ ທີ່ເຮົາອຸປະໂຫຼກຂື້ນ,
ໂອກາດທີ່ອີເມຂອງເຮົາຈະຖືກລຶບ
ໂດຍບໍ່ໄດ້ຖືກເປີດຂື້ນມາອ່ານຈະມີສູງ -
ບໍ່ມີໃຜຈະສົນໃຈອ່ານອີເມຂອງຄົນແປກໜ້າທີ່ສົ່ງມາຫາ!
- ຢູ່ປ່ອງ Language,
ຈະມີຂໍ້ຄວາມ English. ໃຫ້ຂ້າມໄປເລີຍ -
ຢ່າໄປປ່ຽນເປັນອັນອື່ນ
ເພາະຈະມີຜົນຕໍ່ກັບການປ້ອນຄ່າຂອງຂໍ້ມູນຕໍ່ໆໄປ.
- ຢູ່ປ່ອງ Country/Region,
ໃຫ້ໃຊ້ໜູຄລິກໃສ່ຫົວລູກສອນສີດໍາປາຍຊີ້ລົງລຸ່ມ
ທີ່ຢູ່ດ້ານຂວາຂອງປ່ອງ;
ຈະມີຕົວເລືອກຊຶ່ງເປັນປະເທດຕ່າງໆຂື້ນມາ;
ໃຫ້ເລື່ອນໄປເລືອກເອົາ Laos. ຫຼັງຈາກນີ້,
ໃຫ້ລໍຖ້າຊົ່ວຂະນະໜຶ່ງ
ເພາະໜ້າຈໍຈະມີການໂຫຼດໃໝ່; ໜ້າຈໍໃໝ່ຈະຄ້າຍຄືໜ້າຈໍເກົ່າ,
ຕ່າງແຕ່ວ່າ
ມັນບໍ່ມີປ່ອງ State
ຕໍ່ໄປອີກ
(ປະເທດລາວ ບໍ່ມີລັດຕ່າງໆເໝືອນອະເມລິກາ).
- ຢູ່ປ່ອງ Zip Code,
ໃຫ້ພິມ
10000 (ສິບພັນ) ໃສ່. ໃຫ້ເຂົ້າໃຈວ່າ ນີ້ແມ່ນລະຫັດໄປສະນີ,
ບໍ່ແມ່ນລະຫັດໂທລະສັບ!
- ຢູ່ປ່ອງ Time Zone,
ໃຫ້ໃຊ້ໜູຄລິກໃສ່ຫົວລູກສອນສີດໍາປາຍຊີ້ລົງລຸ່ມ
ທີ່ຢູ່ດ້ານຂວາຂອງປ່ອງ; ຈະມີຕົວເລືອກກ່ຽວກັບເວລາຂື້ນມາ:
ໃຫ້ເລືອກເອົາເວລາຂອງ Vientiane, Lao People's Republic - ICT
- ຢູ່ບ່ອນ Gender,
ໃຫ້ໃຊ້ໜູຄລິກເລືອກເພດຂອງເຮົາໃສ່ປຸ່ມວົງມົນສີຂາວ:
ຜູ້ຊາຍ,ເລືອກ Male;
ຜູ້ຍິງ, ເລືອກ Female.
- ຢູ່ປ່ອງ Birth Date,
ຢຸ່ປ່ອງນ້ອຍທໍາອິດ ທີ່ມີຂໍ້ຄວາມວ່າ Month,
ໃຫ້ໃຊ້ໜູຄລິກໃສ່ຫົວລູກ
ສອນສີດໍາປາຍຊີ້ລົງລຸ່ມ
ທີ່ຢູ່ດ້ານຂວາຂອງປ່ອງນ້ອຍ ເພື່ອເລືອກເອົາເດືອນເກີດ;
ຢູ່ປ່ອງນ້ອຍຕໍ່ມາ
ທີ່ມີຂໍ້ຄວາມວ່າ Day, ກໍ່ໃຫ້ເຮັດວິທີດຽວກັນ
ເພື່ອເລືອກເອົາວັນເກີດ;
ສ່ວນຢູ່ປ່ອງນ້ອຍສຸດທ້າຍ ທີ່ບໍ່ມີຂໍ້ຄວາມ, ໃຫ້ພິມຕົວເລກ 4
ຕົວທີ່ກົງກັບປີເກີດຂອງເຮົາໃສ່. ຂໍ້ມູນວັນເດືອນປີເກີດນີ້,
ຄວນເປັນຂໍ້ມູນແທ້ຈິງ ເພາະເຮົາຈະບໍ່ລືມ:
ກໍລະນີມີບັນຫາກ່ຽວກັບການລືມຊື່ອີເມ/ລະຫັດລັບ,
ມັນຈະມີການຖາມວ່າ
ເຮົາເກີດວັນທີເດືອນປີໃດ? ຖ້າເຮົາຕອບບໍ່ໄດ້,
ກໍ່ຈະບໍ່ມີສິດເຂົ້າໃຊ້ອີເມນັ້ນໆ.
- ຢູ່ປ່ອງ Occupation, ທີ່ມີຂໍ້ຄວາມ [Select an Occupation],
ໃຫ້ໃຊ້ໜູຄລິກໃສ່ຫົວລູກສອນສີດໍາປາຍຊີ້ລົງລຸ່ມ
ທີ່ຢູ່ດ້ານຂວາຂອງປ່ອງ ແລະຈະມີຕົວເລືອກຕ່າງໆປາກົດຂື້ນມາ.
ໃຫ້ລາກແຖບເລື່ອນທີ່ຢູ່ຂ້າງໆ
ເພື່ອເລື່ອນຕົວເລືອກລົງມາຈົນລຸ່ມສຸດ
ແລ້ວໃຊ້ໜູຄລິກໃສ່ຕົວເລືອກ Other.
- ຢູ່ປ່ອງ E-mail Address,
ໃຫ້ພິມຊື່ອີເມ ທີ່ເຮົາຕ້ອງການຢາກໄດ້ (ໃຫ້ພິມຕົວນ້ອຍ -
ຕ້ອງຂື້ນຕົ້ນດ້ວຍຕົວອັກສອນ, ອາດມີຕົວເລກນໍາກໍ່ໄດ້,
ຫ້າມຍະຫວ່າງ
ຫຼືໃຊ້ສັນຍາລັກ +, -, *, /, @, $, #, ^, %, |, \ ແຕ່ສາມາດໃຊ້ _
ໄດ້).
ຕົວຢ່າງ
:
ເຮົາອາດຕັ້ງຊື່ອີເມຂອງເຮົາວ່າ lololele72 (ໝາຍຄວາມວ່າ ID
ຫຼືຊື່ອີເມ ແມ່ນ
lololele72, Email Address ຫຼືທີ່ຢູ່ອີເມ ຈະແມ່ນ
lololele72@hotmail.com; @
ອ່ານວ່າ at - ແອັດ). ໃຫ້ເຂົ້າໃຈວ່າ ມີຜູ້ໃຊ້ອີເມຂອງ Hotmail
ຫຼາຍສິບລ້ານຄົນ.
ດັ່ງນັ້ນ, ການຕັ້ງຊື່ອີເມ,
ຕ້ອງຢ່າໃຫ້ຊໍ້າກັບຊື່ອີເມຂອງຄົນອື່ນທີ່ໃຊ້ອີເມຂອງ Hotmail
ກ່ອນໜ້າເຮົາ -
ໝາຍຄວາມວ່າ ຊື່ອີເມສັ້ນໆ-ງ່າຍໆ-ດັງໆ
ຄົນອື່ນໆເອົາໄປໃຊ້ກ່ອນເຮົາຮຽບຮ້ອຍແລ້ວ! ຖ້າບໍ່ຢາກເສຍເວລາ
ໃນການທີ່ຈະຕ້ອງຕັ້ງຊື່ອີເມຄືນໃໝ່
(ເນື່ອງຈາກຊໍ້າກັບຊື່ອີເມຂອງຄົນອື່ນ)
ໃຫ້ຕື່ມຕົວເລກໃສ່ຕອນທ້າຍຂອງຊື່ອີເມຈັກ 2-4 ໂຕ.
ຫຼືອີກວິທີໜຶ່ງ,
ໃຫ້ຕັ້ງຊື່ອີເມເປັນ ຊື່ນາມສະກຸນຂອງເຮົາ
(ບໍ່ມີຍະຫວ່າງຂັ້ນລະຫວ່າງຊື່
ແລະນາມສະກຸນ; ຖ້າຢາກຂັ້ນ, ໃຫ້ໃຊ້ _ ເປັນຕົວຂັ້ນ, ເຊັ່ນ
narinsakkraj ຫຼື
narin_sakkraj); ວິທີນີ້, ຮັບຮອງວ່າ
ບໍ່ມີໃຜຄຶດຕັ້ງຊື່ອີເມຊື່ນີ້
ກ່ອນໜ້າເຮົາແນ່ນອນ.
- ຢູ່ປ່ອງ Password,
ໃຫ້ຕັ້ງລະຫັດລັບໃນການທີ່ຈະເຂົ້າໃຊ້ອີເມຂອງເຮົາ.
ລະຫັດລັບ, ອາດເປັນຕົວເລກ
ຫຼືຕົວໜັງສືກໍ່ໄດ້ ແຕ່ຕ້ອງມີ 6 ໂຕເປັນຢ່າງຕໍ່າ.
ບໍ່ຄວນຕັ້ງລະຫັດລັບໄປທົ່ວທີບ
ເພາະຈະເຮັດໃຫ້ຕົນເອງລືມລະຫັດຂອງຕົນ
ແລະຈະບໍ່ສາມາດເຂົ້າໃຊ້ອີເມຂອງຕົນເອງໄດ້.
ມີຫຼາຍຄົນຕັ້ງລະຫັດລັດເປັນຕົວໜັງສື ແລະຕົວເລກສະຫຼັບກັນ
ຍາວເປັນສິບກ່ວາໂຕ:
ຜູ້ກ່ຽວເອງພິມລະຫັດລັບຂອງຕົນ 5
ຄັ້ງກໍ່ຍັງເຂົ້າໃຊ້ເມຂອງຕົນບໍ່ໄດ້!
ດັ່ງນັ້ນ, ການຕັ້ງລະຫັດລັບ, ຄວນຕັ້ງເປັນຕົວເລກພຽງ 6
ຕົວກໍ່ພໍແລ້ວ;
ຖ້າຢ້ານລືມ, ໃຫ້ຕັ້ງລະຫັດລັບຄືດັ່ງນີ້: 2 ຕົວເລກທໍາອິດ,
ໃຫ້ເປັນວັນເກີດ, 2
ຕົວເລກຕໍ່ມາ, ເອົາເດືອນເກີດໃສ່ ແລະ 2 ຕົວເລກສຸດທ້າຍ,
ໃຫ້ໃສ່ປີເກີດ.
ຕົວຢ່າງ, ເກີດວັນທີ 4/5/1982 ອາດໃສ່ລະຫັດລັບເປັນ 040582.
- ຢູ່ປ່ອງ Re-type Password,
ໃຫ້ພິມລະຫັດລັບທີ່ຕັ້ງຢູ່ຂ້າງເທີງຄືນໃໝ່ອີກເທື່ອໜຶ່ງ.
ລະຫັດລັບທີ່ພິມເຂົ້າຢູ່ປ່ອງ Password ແລະປ່ອງ Re-type Password
ຕ້ອງແມ່ນອັນດຽວກັນ ແລະຄືກັນ!
- ຢູ່ປ່ອງ Secret Question,
ທີ່ມີຂໍ້ຄວາມ Favorite pet's name?,
ໃຫ້ໃຊ້ໜູຄລິກໃສ່ຫົວລູກສອນຊີ້ລົງລຸ່ມ
ເພື່ອເລືອກເອົາຄໍາຖາມລັບ
ຊຶ່ງຈະມີການຖາມໃນກໍລະນີທີ່ເຮົາມີການລືມລະຫັດລັບ/ຊື່ອີ
ເມ.
ໃຫ້ເລືອກເອົາຄໍາຖາມໃດໜຶ່ງ ແລະຕ້ອງໄດ້ຈື່ຄໍາຖາມນັ້ນໆໄວ້ -
ກໍລະນີມີບັນຫາ,
ໃຫ້ສາມາດບອກໄດ້ວ່າ
ຄໍາຖາມເພື່ອຄວາມປອດໄພໃນການຂໍອີເມຂອງເຮົາ ແມ່ນຄໍາຖາມໃດ.
- ຢູ່ປ່ອງ Secret Answer,
ໃຫ້ພິມຄໍາຕອບຂອງຄໍາຖາມລັບ ທີ່ເປັນຄໍາໆດຽວ
ແລະມິຄວາມຍາວບໍ່ຫຼຸດ 5
ຕົວອັກສອນ. ຕົວຢ່າງເຊັ່ນ,
ຖ້າເຮົາເລືອກຄໍາຖາມລັບແມ່ນ Favorite pet's name?
ຊຶ່ງມີຄວາມໝາຍວ່າ
ສັດລ້ຽງທີ່ທ່ານຮັກ ມີຊື່ວ່າຫຍັງ? ຄໍາຕອບທີ່ໃຊ້ໄດ້
ອາດຈະແມ່ນ
kikiki, toubi,...
ຄໍາຕອບທີ່ໃຊ້ບໍ່ໄດ້ຄື dog, cat (ຄໍາຖາມບໍ່ໄດ້ຖາມວ່າ
ສັດລ້ຽງຂອງທ່ານ ແມ່ນສັດປະເພດໃດ?!), kiki (ມີຕົວອັກສອນພຽງແຕ່
4 ຕົວ).
- ຢູ່ປ່ອງຕໍ່ມາ ທີ່ຢູ່ກ້ອງຂໍ້ຄວາມສີຟ້າ I can't see this picture.,
ໃຫ້ພິມຂໍ້ຄວາມທີ່ເຮົາເຫັນ ຊຶ່ງປາກົດຢູ່ຂ້າງເທີງ. ຂໍ້ຄວາມນີ້
ຈະແຕກຕ່າງກັນຈາກທີ່ເຫັນຢູ່ຮູບຂ້າງເທີງ .
ຈາກນັ້ນ, ໃຫ້ເລື່ອນໜ້າຈໍລົງມາລຸ່ມສຸດ.
ເຮົາຈະເຫັນມີປ່ອງໃຫຍ່ໆ ທີ່ມີຫົວຂໍ້ AGREEMENT BETWEEN YOU AND
MICROSOFT
CORPORATION, ໃຫ້ໃຊ້ໜູເລື່ອນຂໍ້ຄວາມທີ່ມີໃນປ່ອງນີ້
ລົງໄປຮອດລຸ່ມສຸດ.
ຈາກນັ້ນ, ໃຫ້ໃຊ້ໜູຄລິກໃສ່ປຸ່ມສີເທົາ ທີ່ມີຂໍ້ຄວາມ I Agree.
ຖ້າທຸກສິ່ງທຸກຢ່າງທີ່ປ້ອນເຂົ້າບໍ່ມີບັນຫາໃດໆ,
ເມື່ອລໍຖ້າຊົ່ວຂະນະໜຶ່ງ, ເຮົາຈະໄດ້ໜ້າຈໍໃໝ່ຄືລຸ່ມນີ້:
(ກໍລະນີກົງກັນຂ້າມ,
ຈະມີໜ້າຈໍເພື່ອໃຫ້ເຮົາປ່ຽນແປງຂໍ້ຄວາມ -
ປ່ອງທີ່ຕ້ອງການໃຫ້ປ່ຽນ,
ຈະມີຂໍ້ຄວາມເປັນສີແດງຢູ່ດ້ານໜ້າປ່ອງນັ້ນໆ.
ເມື່ອປ່ຽນແປງທຸກຢ່າງຮຽບຮ້ອຍ,
ໃຫ້ໃຊ້ໜູກົດປຸ່ມ I Agree ດັ່ງກ່າວອີກຄັ້ງໜຶ່ງ).
ໃຫ້ໃຊ້ໜູຄລິກໃສ່ປຸ່ມສີເທົາທີ່ມີຂໍ້ຄວາມ
Continue;
ລໍຖ້າຊົ່ວຂະນະໜື່ງ, ເຮົາຈະໄດ້ໜ້າຈໍໃໝ່ຄືດັ່ງລຸ່ມນີ້:
ໃຫ້ເລື່ອນໜ້າຈໍລົງມາລຸ່ມສຸດ,
ໜ້າຈໍຈະມີລັກສະນະຄືຮູບລຸ່ມນີ້:
ໃຫ້ໃຊ້ໜູຄລິກໃສ່ຂໍ້ຄວາມ click here
ທີ່ຢູ່ໃນຕໍາແໜ່ງ ທີ່ຂີດອ້ອມດ້ວຍວົງມົນສີແດງ
(ໃນໜ້າຈໍຕົວຈີງ,
ບໍ່ມີວົງມົນສີແດງນີ້!).
ລໍຖ້າຊົ່ວຂະນະໜຶ່ງ, ເຮົາຈະໄດ້ໜ້າຈໍໃໝ່ຄືລຸ່ມນີ້:
ໃຫ້ລາກແຖບເລື່ອນທີ່ຢູ່ດ້ານຂວາມື
ເພື່ອເລື່ອນໜ້າຈໍລົງມາຈົນຮອດລຸ່ມສຸດ. ເຮົາຈະເຫັນປຸ່ມສີເທົາ
ທີ່ມີຂໍ້ຄວາມ Continue; ໃຫ້ຄລິກໃສ່ປຸ່ມດັ່ງກ່າວ
(ໃນຮູບຂ້າງເທີງ,
ບໍ່ໄດ້ສະແດງໃຫ້ເຫັນປຸ່ມດັ່ງກ່າວ).
ລໍ
ຖ້າຊົ່ວຂະນະໜຶ່ງ,
ເຮົາຈະໄດ້ໜ້າຈໍໃໝ່ຄືລຸ່ມນີ້ :
ຮອດຈຸດນີ້, ການຈອງອີເມຂອງເຮົານໍາ Hotmail
ຖືໄດ້ວ່າປະສົບຜົນສໍາເລັດ.
ເຮົາອາດໃຊ້ໜູຄລິກໃສ່ປຸ່ມທີ່ມີຂໍ້ຄວາມ Mail
ເພື່ອເປັນການໄຂເບີ່ງຕູ້ເມຂອງເຮົາ ຫຼືຈະຄລິກໃສ່ປຸ່ມ Sign Out
ເພື່ອເຊົາໃຊ້ອີເມ ແລ້ວເຂົ້າມາໃຊ້ຄືນອີກເປັນຄັ້ງທີສອງ
ເພື່ອທົດສອບວ່າ
ທີ່ຢູ່ອີເມ ແລະລະຫັດລັບທີ່ເຮົາຫາກໍ່ໄດ້ ຈາກການຂໍອີເມນໍາ
Hotmail ກ່ອນໜ້ານີ້
ໃຊ້ໄດ້ຜົນຫຼືບໍ່.
ຫຼັງຈາກທີ່ເຮົາໄດ້ທົດສອບ
ລອງເຂົ້າໃຊ້ອີເມຂອງ Hotmail
ແລະສາມາດເຂົ້າໃຊ້ໄດ້,
ໃນຕໍ່ໜ້າ, ເຮົາຄວນໝັ່ນມາໃຊ້ອີເມຢ່າງຂີ້ລ້າຍ 1
ເດືອນຕໍ່ຄັ້ງ:
ຖ້າເຮົາບໍ່ມາໃຊ້ເກີນ 1 ເດືອນ, ອີເມຂອງເຮົາ
ອາດຖືກຖອນບໍ່ໃຫ້ໃຊ້ງານໄດ້ຕໍ່ໄປອີກ.
ຫວັງຢ່າງຍິ່ງວ່າ ຄໍາແນະນໍາທັງໝົດນີ້,
ຄົງຊ່ອຍໃຫ້ທ່ານສາມາດຂໍອີເມນໍາ Hotmail
ໄດ້ດ້ວຍຕົວຂອງທ່ານເອງ!
ວຽງຈັນ, 17 ກຸມພາ 2004
ນະຣິນ
